> “Biagio C. dromit in d-una retza de ferru”. Sdr denuntziat is cunditzionis de vida de unu presoneri in Bad’ e Carros | ilMinuto

“Biagio C. dromit in d-una retza de ferru”. Sdr denuntziat is cunditzionis de vida de unu presoneri in Bad’ e Carros

(IlMinuto) – Casteddu, 30 de su mesi de austu – “Dda informu ca fintzas a oi seu dromendi chentza de mantalafu, cabidali, manta e lentzorus”. Est cantu scririt Biagio C., presoneri in su presoni nugoresu de Bad’e Carros, in d-una lítera mandada a sa presidenti de s’assótziu “Socialismo Diritti Riforme”, Maria Grazia Caligaris. S’ómini, ergastolanu, in regimi de massima seguresa – acrarat Caligaris – “protestat poita pentzat de tenni diritu tenendu diversa maladias a una tzedda totu po issu, intre is problemas de saludi tenit  un’allergia grai a su prúniu avreguada de is datoris de s’Asl de Nùgoro”. “Sa chistioni de su númeru mannu meda de is presoneris – narat sa presidenti de Sdr – est fadendi arragus mannus cun is tzitadinus inserraus chi tenint maladias grais. Sa de C. est un’acuntéssia crara de is disacórdius chi nascint candu tzertas cunditzionis, puru si prevìdias de s’ordinamentu penitentziàriu o de órdinis médicus, no podint essi satisfadas”.

Fotografia de Clarita82. Pigada de Flickr

© RIPRODUZIONE RISERVATA

0 Arrespustas a ““Biagio C. dromit in d-una retza de ferru”. Sdr denuntziat is cunditzionis de vida de unu presoneri in Bad’ e Carros”


Is cummentus funt serraus.