> 2012 mes’e austu 06 | ilMinuto

Archíviu de sa diri 6/08/2012

A pustis de su votu de su Consillu regionali asuba de sa Ratìfica de su Tratau europeu asuba de is línguas de minoria, su fueddu a Su Comitadu

(IlMinuto) – Casteddu, 6 de su mesi de austu – Est satisfau meda su Comitadu pro sa limba sarda po su votu a cuncórdiu de cida passada espressau de su Consillu regionali, chi at aprovau s’odg indiritzau a su Parlamentu po afiantzai livellus giustus de amparu de sa língua sarda po sa ratìfica de sa Carta europea de is línguas de minoria, aici comenti pervìdiu in s’artículu 51 de su Statutu Sardu. “Su Comitadu pro sa limba sarda – si ligit in d-una nota de imprenta – est satisfau meda poita sa campagna sua cumentzada cun sa lítera oberta a su Presidenti Napolitano de su 19 de su mesi de fiàrgiu chi dimandàt un’interventu suu a manera chi fessat fiamenti ratificada sa Carta de is línguas regionalis e de minoria at tentu arrembumbu e assensu, acabendi po imoi cun su votu a cuncórdiu de su messàgiu a su Parlamentu prevìdiu de s’art. 51 de su Statutu autónomu nostru”. Una batalla, cussa fata de Su Comitadu in faori de sa chistioni linguìstica, chi no s’est frimada mai poita de sèmpiri bia comenti agu de importu de sa Chistioni sarda. Sa campagna est stétia afortiada puru cun sa denúntzia de sa supressioni de sa língua sarda ”de sa possibilidadi de su ‘ricalcolo’ prus favoràbili de s’irminorigamentu iscolàsticu, previdiu po is minorias linguìsticas istóricas de sa Spending review”. No funt perou totus luxis is chi brillant. Sighi a ligi ‘A pustis de su votu de su Consillu regionali asuba de sa Ratìfica de su Tratau europeu asuba de is línguas de minoria, su fueddu a Su Comitadu’

Torrat in Casteddu s’International Summer Week

(IlMinuto) – Casteddu, 6 de su mesi de austu – Lompit ocannu a sa XV editzioni sua s’International Summer Week 2012, manifestada aprontada de s’assótziu casteddaiu tdm 2000 chi at a acabai su 10 de su mesi de austu chi benit. Gràtzias a s’avenimentu, in su mesi de austu sa Capitali de sa Sardigna aghillit a unu númeru bellu de giòvanus furesteris, chi ocannu funt 205 e lompint de 34 natzionis. Is piciocus ant essi protagonistas, impari a is aprontadoris, de sa proposta prus importanti de turismu coperativu interculturali de s’area de su mediterràneu. Sighi a ligi ‘Torrat in Casteddu s’International Summer Week’

Trumentus a is malàdius in Itiri Cannedu. Melis Pd: “No a is curas chi traixit sa missioni insoru”

(IlMinuto) – Casteddu, 6 de su mesi de austu – “Un’istória chi no est scéti de su logu, e chi no podeus assolutamenti cuai”. Est su comentu de su deputau sardu de su Pd Guido Melis, a petus de is fatus grais acontéssius in is diris passadas in d-una crínica privada de Itiri Cannedu. In sa bidda in provìntzia de Tàtari, in d-una domu de cura tzertificada de sa Asl, difatis, is malàdius patiant matratamentus foras de contu. “Seus a faci – afirmat Melis – de unu cuadru chi no si podit aguantai prus, asuba de su cali iat a podi spriculitai sa giustítzia (calencunu cuncursu, po esémpiu, iat depi essi illuminau de is lampionis). Ma prusatotu asuba de su cali s’iat a depi furriai sa política bera, cussa bona”. Sighi a ligi ‘Trumentus a is malàdius in Itiri Cannedu. Melis Pd: “No a is curas chi traixit sa missioni insoru”’

Cumentzant is cursus post lauream po s’impresa culturali in Sardigna e po sa produtzioni cinematografica

(IlMinuto) – Casteddu, 6 de su mesi de austu – Sa Calasanzio Sotziedadi Coperativa Sotziali Onlus de Seddori, cun s’agiudu de sa Sotziedadi Umanitaria – Cineteca Sarda Tzentru Serbítzius de Casteddu, a cumentzai de su mesi de ledàminis at a ativai duus cursus post lauream chi ant a tenni s’obietivu de “formai professioneris chi scipiant fai progetus chi avalorint e promovant su patrimoniu culturali de sa Sardigna”. Sighi a ligi ‘Cumentzant is cursus post lauream po s’impresa culturali in Sardigna e po sa produtzioni cinematografica’