> 07 « mes’e austu « 2012 « ilMinuto – notizie Mediterranee – edizione Sardegna

Archíviu de sa diri 7/08/2012

Presoni de Buoncammino. Arruit in su gabinettu nonnixedda de 79 annus

(IlMinuto) – Casteddu, 7 de su mesi de austu – Est liscinada in su gabinetu de sa cella Stefania Maulu, sa nonnixedda de 79 annus inserrada in Buoncammino. Un’”arrutroxa - iscririt in d-una nota de imprenta Maria Grazia Caligaris, sa presidenti de s’assótziu Sotzialismu Diritus e Reformas – chi at ocasionau puru unu trincu, cun bessida de sàguni, a s’artesa de su pistiddu e s’abisóngiu de impitai una guturada in abetu de fai asàminus prus profundaus”. Sa fémina casteddaia, classi 1933, torrada in presoni agoa de duus annus de domiciliaris, poita is cunditzionis de saludi funt arresutadas discretas a sa bisita de controllu de unu piritu de su Tribunali, depit iscontai galu una pena de pagu prus de 4 annus e 2 mesis cun senténtzia definitiva de sa Cassatzioni de su mesi de làmpadas de su 2008.

Sighi a ligi ‘Presoni de Buoncammino. Arruit in su gabinettu nonnixedda de 79 annus’

Provìntzia de Nùgoro: obertu sceberu públicu po pigai duus funtzionarius a tempus “determinato”

(IlMinuto) – Casteddu, 7 de su mesi de austu – Sa Provìntzia de Nùgoro circat a duus funtzionarius categoria D1 espertus in sa gestioni e contus de is progetus comunitàrius de insertai in s’Ofítziu Coperatzioni Internatzionali de sa Provìntzia po pigai genti cun cuntratu a tempus “determinato”. Sa dimanda at a depi lompi, a chi nou no at a benni pigada in cunsidériu, intru e no prus a tradu de is 13.00 de su 22 de su mesi de austu de su 2012. Sighi a ligi ‘Provìntzia de Nùgoro: obertu sceberu públicu po pigai duus funtzionarius a tempus “determinato”’

Atopu: in Boruta “Biblioteca asuta de is isteddas”

(IlMinuto) – Casteddu, 7 de su mesi de austu – S’at a sboddiai sàbudu 11 de su mesi de austu a cumentzai de is 18.00 in is aposentus de sa biblioteca comunali de Boruta sa manifestada culturali chi tenit comenti títulu “Biblioteca asuta de is isteddas”, apogiada de s’aministratzioni comunali, est aprontada de s’assótziu culturali Àndala noa cun s’iscopu de avalorai su patrimóniu de líburus chi s’agatat aintru de sa biblioteca: in totau 5milla líburus e trexentus audiovisivus intre dvd e cd. Diversus is atopus de no pèrdiri. Intre custus, a is 18.30 s’inauguratzioni de sa mostra fotografica de Matteo Setzu “Thurpos VS Sardigna: Intre biseras e folklori”. Sighi a ligi ‘Atopu: in Boruta “Biblioteca asuta de is isteddas”’