> 2012 mes’e austu 09 | ilMinuto

Archíviu de sa diri 9/08/2012

“Cursus de imparu po is cassintegraus in tardamentu mannu e aprontaus mali”. Sa denúntzia de Cgil, Cisl e Uil

(IlMinuto) – Casteddu, 9 de su mesi de austu – “Is tardamentus de is cursus de imparu po is cassintegraus arriscant de cumpromiti is políticas ativas chi serbint a donai una baga de traballu a milli e prus de milli disimperaus, ma a fai puru sighiri is finatzimentus statalis i europeus chi tocant a sa Sardigna”. Est cantu denuntziant is segretàrius regionalis de Cgil, Cisl e Uil Marinora Di Biase, Giovanni Matta e Elisabetta Sorgia, pedendi a s’assessori regionali de su Traballu Antonio Angelo Liori “s’obertura de unu cunfrontu prontu cun is sindacaus”.

Sighi a ligi ‘“Cursus de imparu po is cassintegraus in tardamentu mannu e aprontaus mali”. Sa denúntzia de Cgil, Cisl e Uil’

Istrobus mannus in Buoncammino: basca tòrrida po 570 presoneris

(IlMinuto) – Casteddu, 9 de su mesi de austu – Arribat a 570 su númeru de presoneris inserraus in su presoni casteddaiu de Buoncammino. Amentaus ca s’istitutu de pena podit acasagiai unu númeru màssimu de 345 personis. Sa preséntzia manna de presoneris no agiudat sa situatzioni de s’istrutura penitentziària, chi - afirmat Maria Grazia Caligaris, presidenti de s’assótziu Sotzialismu Diritus e Reformas – bit “un’aumentu preocupanti de atus de ‘autolesionismo’ po mori de su ’sovraffollamento’”. “A su númeru esagerau de preséntzias aintru de is cellas – si pretzisat in sa nota de imprenta – tocat aciungi sa basca allupadora de custas diris chi amenguat e inzenerat unu stadu de nervosu costanti. Is presoneris funt custrintus a fai filas longas po intrai a is dócias e in unus cantu de areas s’àcua chi bessit de su grifoni est tébida”. Una situatzioni est tràgica prusatotu poita in s’istitutu penitentziàriu s’agatant diversus antzianus cun maladias crónicas a s’”apparato respiratorio e cardiovascolare”, presoneris in dópia diàgnosi cun istrobus a conca e drogaus “in trattamento”.

Sighi a ligi ‘Istrobus mannus in Buoncammino: basca tòrrida po 570 presoneris’

In Arborea “Gentarrúbia asuta de is isteddas” contra a su pertusamentu

(IlMinuto) – Casteddu, 9 de su mesi de austu – “Gentarrúbia asuta de is isteddas”. Est custu su nòmini de s’avenimentu aprontau de su comitau tzitadinu No a su Progetu Lianora – Nisciunu pertusamentu in Arborea e prevìdiu po cenàbara 10 de su mesi de austu a cumentzai de is 20.30 in pratza Maria Ausiliatrice in Arborea. Sighi a ligi ‘In Arborea “Gentarrúbia asuta de is isteddas” contra a su pertusamentu’

(Italiano) “Cuccioli&Cuccioli”: a Sangiovanni di Posada in compagnia del migliore amico dell’uomo

Sighi a ligi ‘(Italiano) “Cuccioli&Cuccioli”: a Sangiovanni di Posada in compagnia del migliore amico dell’uomo’