> 2012 mes’e austu 29 | ilMinuto

Archíviu de sa diri 29/08/2012

Cumetzat s’atóngiu buddiu de s’iscola sarda

(IlMinuto) – Casteddu, 29 de su mesi de austu – Funt andaus in fumu 3milla postus de traballu e prus in tres annus. Est custa sa fotografia de s’iscola sarda. A pustis de is irminorigamentus bófius de su ministru Gelmini s’aciungint puru cussus de su ministru Profumo. Diversus is contracolpus po is precàrius, su prus abilitaus, e po is professoris ”soprannumerari”, maistus de rolu chi ant perdiu sa càtreda e bivint una cunditzioni noa de precariedadi. “Custa cunditzioni – afirmat su Dipartimentu Conoscéntzia de su Prc – ocasionat s’annullamentu de dógnia benefítziu chi potzat lompi de s’ipótesi de 600 càtredas po s’A.S. 2013-2014, difatis s’”assorbimento” de custus traballadoris ocasionat un’irminorigamentu de is càtredas po rolus nous e suplidudaras chi no si podit evitai”. Sighi a ligi ‘Cumetzat s’atóngiu buddiu de s’iscola sarda’

Congressu Sinistra Critica Sarda. Iscera indipendentista e propostas políticas

(IlMinuto) – Casteddu, 29 de su mesi de austu – Est prevìdiu po domunigu 9 de su mesi de cabudanni a cumentzai de is 9.00, in is aposentus de sa Sotziedadi Operàja in Cursu Umbertu in Bilàrtzi, su Congressu sardu de Sinistra Critica. Fatu de duus mamentus, s’atopu, in sa primu parti sua, at essi obertu sa totus is chi ant a bolli pigai parti e s’ant a bolli cunfrontai asuba de s’iscera indipendentista pigada de s’organizatzioni anticapitalista.

Un’importanti istrumentu de conoscéntzia: su Paperi de is giassus archeológicus e de is benis architetonicus de su Comunu de Uddusò

(IlMinuto) – Casteddu, 29 de su mesi de austu – Su “Paperi de is giassus archeológicus e de is benis architetonicus de su Comunu de Uddusò” est unu prodotu chi donat contu de totus is istruturas archeológicas e architetonicas de importu mannu chi ddoi funt in su territóriu de su comunu in provìntzia de Terranòa-Tèmpiu. Su traballu est intre is primus esémpius in Itàlia de “cartografia” archeológica “digitale” chi sighendi su satéllite permitit de ponni in luxi is possibilidadis turisticas e de sceda on-line in tres línguas (itàlianu, sardu e ingresu) in sa Galleria de Google Earth e in su giassu de su Comunu de Uddusò. Su progetu est stétiu fatu gràtzias a su cuntributu de sa Provìntzia de Terranòa-Tèmpiu. Sighi a ligi ‘Un’importanti istrumentu de conoscéntzia: su Paperi de is giassus archeológicus e de is benis architetonicus de su Comunu de Uddusò’

Funt obertas is aparaguladuras po su viazu Casteddu-Igrèsias asuba de trenu a vapori

(IlMinuto) – Casteddu, 29 de su mesi de austu – A cumentzai de su 27 de su mesi de austu s’assótziu “Sardegnavapore” at obertu is aparaguladuras po su caminu de andata e torrada Casteddu-Igrèsias chi s’at a fai du 21 de su mesi de ledàminis chi benit. Su viazu, chi s’at a tenni asuba de su trenu a vapori, previdit una bisita ghiada in sa Miniera de Santa Brabara e is cussa de Monteponi. Is aparaguladuras ant a acabai su 15 de su mesi de ledàminis e ant essi cunfirmadas candu s’at essi lompius a su númeru minimu de 150 personis. Po ndi sciri de prus e po fissai su postu telefonai a su númeru: 3347165216.

Sighi a ligi ‘Funt obertas is aparaguladuras po su viazu Casteddu-Igrèsias asuba de trenu a vapori’