> 2012 mes’e austu 30 | ilMinuto

Archíviu de sa diri 30/08/2012

Casteddu. Est contienda asuba de is Villas de Monte Claro. aMpI: “Est unu progetu spaciu malu de su territóriu”

(IlMinuto) – Casteddu, 30 de su mesi de austu – Ddu ant batiau is villas de Monte Claro i est su progetu edilitziu nàsciu de una bidea de sa Sotziedadi Coperativa Centu de Pauli. Unu pranu de lotizatzioni chi s’at sboddiai in duas areas mannas chi s’agatant a dereta e manca de arruga de is Valenzani in Casteddu e previdit su cumprimentu de villas e apartamentus residentzialis. Unu sceberu, su de su Comunu capoluogu de sa Sardigna, batacollau meda de sa manca indipendentista: ”In sa primu tzitadi de sa Sardigna [...] matoni e ciumentu no si funt frimaus nimancu a faci de sa crisi”, aici, sighit aMpI – “ant a nasci in Casteddu ‘is villas de Monte Claro’ [...] Fueddaus de is 60 domus unifamiliaris chi ant a ocupai s’area de dereta e de manca in sa perra bàscia de unu de is prus nódius prumonis birdis casteddaius, su Parcu provìntziali de Monte Claro. Sighi a ligi ‘Casteddu. Est contienda asuba de is Villas de Monte Claro. aMpI: “Est unu progetu spaciu malu de su territóriu”’

“Biagio C. dromit in d-una retza de ferru”. Sdr denuntziat is cunditzionis de vida de unu presoneri in Bad’ e Carros

(IlMinuto) – Casteddu, 30 de su mesi de austu – “Dda informu ca fintzas a oi seu dromendi chentza de mantalafu, cabidali, manta e lentzorus”. Est cantu scririt Biagio C., presoneri in su presoni nugoresu de Bad’e Carros, in d-una lítera mandada a sa presidenti de s’assótziu “Socialismo Diritti Riforme”, Maria Grazia Caligaris. S’ómini, ergastolanu, in regimi de massima seguresa – acrarat Caligaris – “protestat poita pentzat de tenni diritu tenendu diversa maladias a una tzedda totu po issu, intre is problemas de saludi tenit  un’allergia grai a su prúniu avreguada de is datoris de s’Asl de Nùgoro”. Sighi a ligi ‘“Biagio C. dromit in d-una retza de ferru”. Sdr denuntziat is cunditzionis de vida de unu presoneri in Bad’ e Carros’

(Italiano) “Simbua fritta cun satitzu” e “Mestieri, saperi e sapori del passato” la cultura a Villanovaforru

Sighi a ligi ‘(Italiano) “Simbua fritta cun satitzu” e “Mestieri, saperi e sapori del passato” la cultura a Villanovaforru’