> Cumetzat s’atóngiu buddiu de s’iscola sarda | ilMinuto

Cumetzat s’atóngiu buddiu de s’iscola sarda

(IlMinuto) – Casteddu, 29 de su mesi de austu – Funt andaus in fumu 3milla postus de traballu e prus in tres annus. Est custa sa fotografia de s’iscola sarda. A pustis de is irminorigamentus bófius de su ministru Gelmini s’aciungint puru cussus de su ministru Profumo. Diversus is contracolpus po is precàrius, su prus abilitaus, e po is professoris ”soprannumerari”, maistus de rolu chi ant perdiu sa càtreda e bivint una cunditzioni noa de precariedadi. “Custa cunditzioni – afirmat su Dipartimentu Conoscéntzia de su Prc – ocasionat s’annullamentu de dógnia benefítziu chi potzat lompi de s’ipótesi de 600 càtredas po s’A.S. 2013-2014, difatis s’”assorbimento” de custus traballadoris ocasionat un’irminorigamentu de is càtredas po rolus nous e suplidudaras chi no si podit evitai”. In primu línia a denuntziai custa àtera trampa a s’istrutzioni, su Partidu de sa Rifondazione Comunista Sardigna annuntziat ca po s’iscola sarda at essi un’atóngiu buddiu. Un’istagioni de protestas chi at a essi ”inaugurada” oi, in su Parcu de Monte Claro a is 18.30, cun d-un’atopu avisasu de su Comitau Precàrius Iscola Casteddu: “promoveus custa assembrea - si ligit in d-una nota - po chistionai, definiri e aprontai una proposta importanti in Casteddu contra a custa àtera trampa a is dannus nostrus, una trampa chi si bolit donai s’illusioni de disciniri sa chistioni de is irminorigamentus foras de contu a s’iscola istatali pública”. Unu cumbidu fatu a tous is universitàrius e is chi si funt laureaus de pagu e chi s’agatant trisinaus in su mecanismu ingannosu de is TFA po nai ca no a su concursu, e a ”dógnia sistema de acabidadura, sceberu, valutatzioni inicu e pagu craru”.

Fotografia de delphaber. Pigada de Flickr

© RIPRODUZIONE RISERVATA

0 Arrespustas a “Cumetzat s’atóngiu buddiu de s’iscola sarda”


Is cummentus funt serraus.