> “Dosta”. In Casteddu sa presentada de s’assótziu chi denuntziat sa “acanarjada de is Rom” « ilMinuto – notizie Mediterranee – edizione Sardegna

“Dosta”. In Casteddu sa presentada de s’assótziu chi denuntziat sa “acanarjada de is Rom”

(IlMinuto) – Casteddu, 13 de su mesi de cabudanni – Frimai “s’isolamentu, is gherras intre is poberus, is arrevescioris contra a totus, sa ‘xenofobia’ e su ratzismu, is timorias e a sa divisioni e po su prus po frimai s’acanarjada de is Rom!”. Cun custu iscopu nascit Dosta – unu fueddu ca in língua romanes o romani espressat própriu ”basta” – s’assótziu nou chi at essi presentau cenàbara 14 de su mesi de cabudanni in Casteddu (11.00, domu Usb arruga Madalena 20). “Po s’avenimentu – si ligit in su comunicau de imprenta – at a podi essi acrarada sa situatzioni chi funt bivendi is Rom casteddaius oi, agoa de sa serradura de su campu de sa 554, partzialmenti e in su mentris assentaus in domus, po su prus de domus arrafazonadas, pratzius comenti comunidadi e comenti famílias, in abetu de podi traballalai a s’iscriidura e a su cumprimentu de unu progetu beru de inclusioni sotziali”.

Fotografia de Francesco Paraggio. Pigada de Flickr

© RIPRODUZIONE RISERVATA

0 Arrespustas a ““Dosta”. In Casteddu sa presentada de s’assótziu chi denuntziat sa “acanarjada de is Rom””


Is cummentus funt serraus.