> “Sa tzentrali a ‘biomasse’ de Pòrtu Turre unu perígulu nou po s’ambienti”. Sa denúntzia de su Grupu de interventu giurídicu « ilMinuto – notizie Mediterranee – edizione Sardegna

“Sa tzentrali a ‘biomasse’ de Pòrtu Turre unu perígulu nou po s’ambienti”. Sa denúntzia de su Grupu de interventu giurídicu

(IlMinuto) – Casteddu 24 de su mesi de cabudanni – Sighit de cida in cida sa faina de càstiu ambientali de su Grupu de interventu giurídicu e de is Amigus de sa Terra. Su 19 de su mesi de cabudanni is assótzius ecologistas, cun s’agiudu de s’Assótziu Méigus po s’Ambienti, ant aviau un’atu de interventu cun “annotu” a sa Regioni Sardigna (Serbítziu regionali avaloramentu “impatti” ambientali) asuba de su progetu de tzentrali a “biomasse” de sa Enipower s.p.a. in su tretu industriali de Pòrtu Turre. Tzentrali chi po Gig e Adt rapresentat “un’àteru perígulu po s’ambienti”. “Assumancu unu terzu de su combustìbili impitau in sa tzentrali a “biomasse” de Pòrtu Turre – si ligit in d-una nota - iat a essi de origini fóssili (est inditau su Fok, resíduu de su protzessu industriali de produtzioni de s’etilene, perigulosu e chi produsit su cancuru) no chi no dipendit de is fontis “rinnovabili”, mentris no ddoi at nisciuna seguresa asuba a sa possibilidadi de impitai ‘biomassa’ vegetali”.

Fotografia de Microphyt. Pigada de Flickr

© RIPRODUZIONE RISERVATA

0 Arrespustas a ““Sa tzentrali a ‘biomasse’ de Pòrtu Turre unu perígulu nou po s’ambienti”. Sa denúntzia de su Grupu de interventu giurídicu”


Is cummentus funt serraus.