> “Nono a su cuntratu iscrobau po is call center”. Oi su corteu de is traballadoris de is telecomunicatzionis « ilMinuto – notizie Mediterranee – edizione Sardegna

“Nono a su cuntratu iscrobau po is call center”. Oi su corteu de is traballadoris de is telecomunicatzionis

(IlMinuto) – Casteddu 17 de su mesi de cabudanni – Is trabaladoris sardus de is telecomunicatzionis iscioperant e cabant in pratza po pediri su rennovu de su cuntratu acabau a sa fini de su 2011. Oi in Casteddu est difatis in programa unu corteu aprontau de Slc-Cgil, Fiste-Cisl e Uil (9.30, pratza de su Cramu). Sa manifestada at a atraversai bia Roma e at a acabai a faci de sa domu de sa Confindustria. A arriscu – denuntziant is sindacaus – funt prusatotu is diritus de is traballadoris de is call center. “Is aziendas de is telecomunicatzionis – si ligit in d-una nota – ant sceberau s’istrada de su peoramentu económicu e sotziali, cun s’arriscu malu meda de s’agatai cras unu cuntratu iscrobau nou po sa parti de is call center. Unu cuntratu chi est peus poita est prus débili e prus precàriu”.

Fotografia de VozAlta.es. Pigada de Flickr

© RIPRODUZIONE RISERVATA

0 Arrespustas a ““Nono a su cuntratu iscrobau po is call center”. Oi su corteu de is traballadoris de is telecomunicatzionis”


Is cummentus funt serraus.