> 03 « mes’e cabudanni « 2012 « ilMinuto – notizie Mediterranee – edizione Sardegna

Archíviu de sa diri 3/09/2012

Nuraxi Figus. aMpI: “Cun is minadoris po su territóriu”. Pcl: “declaraus gherra a chini serrat is postus de traballu”

(IlMinuto) – Casteddu, 3 de su mesi de cabudanni – Est balu ocupatzioni in sa Carbosulcis de Nuraxi Figus, una de is úrtimus minieras chi traballant po su ”carbonfossile” in Europa, in d-unu territóriu, su de su Surcis, giai ispérdiu de sa crisi e de su disimpreu. “Est istrambecu comenti totinduna si siat fueddau de crisi in d-unu territóriu sèmpiri in crisi – afirmat a Manca pro s’Indipendentzia – [...] Innoia tempus fait de is fàbricas biviant 6mila famílias, oi su chi abarrat, no est scéti su disisperu de is traballadoris e su chi at fatu s’industrializatzioni foras de contu, ma est su prumu in su sàngui de is pipius, est su ludu arrúbiu in is costeras, mentris is imprendidoris mannus, agoa de s’essi prenus is buxacas de finantziamentus públicus, si funt fuius cun su spogliu”. Unu territóriu, custu, innoia is traballadoris, fertus de sa “cassaintegrazione”, s’agatant a afrontai su disimpreu, in d-unu mamentu istóricu aundi agatai traballu est difítzili po chinisiollat, e ddu diventat balu de prus po personis chi no funt prus giòvanas, chi cun fatiga ant agatai traballu in d-unu contestu delicau comenti cussu sardu. Sighi a ligi ‘Nuraxi Figus. aMpI: “Cun is minadoris po su territóriu”. Pcl: “declaraus gherra a chini serrat is postus de traballu”’

Sinistra Critica Sarda cabat a su costau de is “Pópulus in Lota”. Domínigu in Bilàrtzi sa presentada de su progetu indipendentista e anticapitalista

(IlMinuto) – Casteddu, 3 de su mesi de cabudanni – “Po unu progetu indipendentista e anticapitalista”. No est scéti su títulu de s’úrtimu documentu fatu de Sinistra Critica Sarda: est sa proposta de traballu comunu chi s’organizatzioni at a presentai po s’assembrea congressuali in programa po domínigu chi benit in Bilàrtzi (Sotziedadi Operaja, 10.00). Is traballus de su mangianu ant essi difatis obertus a totus is istàntzias políticas interessadas a su cunfrontu apitzus de su sceberu  fatu de s’organizatzioni anticapitalista de una línia indipendentista, chi cun su congressu de Bilàrtzi – si ligit in su documentu – imbucat ”in su campu mannu de su conflitu de is Pópulus in Lota”. “S’invocatzioni istórica pròmovia de is giòvanus de Atene in is primus cidas de crisi, ‘furriaisì’, est acostai primu de totu – pretzisat su documentu – a is natzionis chentza de istadu. Sighi a ligi ‘Sinistra Critica Sarda cabat a su costau de is “Pópulus in Lota”. Domínigu in Bilàrtzi sa presentada de su progetu indipendentista e anticapitalista’

Sa psicoteràpia est intrada intre is curas de sa Asl de Lanusèi

(IlMinuto) – Casteddu, 3 de su mesi de cabudanni – De su mesi de austu de su 2012 sa Asl de Lanusèi, endi biu in sa psicoteràpia una parti importanti de s’assistu sanitàriu, at ativau in modu oficiali unu serbítziu paghendu su ticket. Su progetu, intregau a is psicologus de su tzentru Antes, est in fasi in sperimentatzioni e – si ligit in d-una de imprenta – “permitit a is maladius de fai terapia simplementi cun d-una dimanda a su própriu médicu de família”.

Prétzius in Casteddu: bolai est una crestia maba. In su mesi de austu aumentus de su 20 po centu

(IlMinuto) – Casteddu, 3 de su mesi de cabudanni – In Casteddu sa carestia crescit. In su mesi de austu, difatis, a cantu narat su comunicau fatu connosci de su Serbítziu Statistica de su Comunu, is prétzius funt aumentaus casi de su 0,4 po centu (contra a su -0,1 de su mesi de argiolas). Sighi a ligi ‘Prétzius in Casteddu: bolai est una crestia maba. In su mesi de austu aumentus de su 20 po centu’

Tàtari. Aziru amentat a s’eroi sardu Frantziscu Cillocco

(IlMinuto) – Casteddu, 3 de su mesi de cabudanni – “Ammentu de Frantziscu Cilloco”. Est custu su títulu de s’avenimentu aprontau de s’assótziu culturali Aziru, chi s’at a sboddiai in Tàtari s’8 de su mesi de cabudanni chi benit po amentai a Frantziscu Cillocco, su patriotu sardu mortu de trumentu su 30 de su mesi de austu de su 1802 agoa de ai circau de madai ainnantis, impari a Frantziscu Sanna Corda, is printzípius de sa Rivolutzioni francesa. S’avenimentu at a cumentzai a is 9.00 de su mangianu in s’àula manna de s’Universidadi de Tàtari, in pratza Universidadi, e at a biri is relatus de su Professori Federico Francioni e de su Professori Roberto Porrà. Sighi a ligi ‘Tàtari. Aziru amentat a s’eroi sardu Frantziscu Cillocco’