> 2012 mes’e cabudanni 13 | ilMinuto

Archíviu de sa diri 13/09/2012

Master intre sa Sardigna e sa Cina po programai sa sustenibilidadi

(IlMinuto) – Casteddu, 13 de su mesi de cabudanni – Ddoi at tempus fintzas a is 12.00 de cras 14 de su mesi de cabudanni po s’iscriri a su Master internatzionali ”Programatzioni e políticas po sa tzitadi, s’Ambienti e su Paisàgiu – ‘Advanced methods and tools for sustainable planning’” aprontau de sa Facoltadi de Architetura de S’Alighera de s’Harbin Institute of Tecnology intre is prus importantis istruturas univertitàrias cinesas. Su Master, de un’annu, previdit 500 oras de letzionis e laboratórius chi s’ant a sboddiai intre sa Sardigna e sa Cina, 500 oras de istùdiu individuali e duus mesis de stages foras de istadu, de si fai in is entis e in istudius professionalis reconotus. Sighi a ligi ‘Master intre sa Sardigna e sa Cina po programai sa sustenibilidadi’

De sa Sardigna su disisperu de sa Remozioni Precària

(IlMinuto) – Casteddu, 13 de su mesi de cabudanni – Torrat in pratza is precàrius de s’Iscola Statali chi ant a manifestai su disacórdiu insoru a su cuncursu-trampa fatu passai de su Ministru Profumo comenti un’operatzioni de “rennovamentu netzessàriu” de s’iscola pública. Sàbudu 15 de su mesi de cabudanni, in coincidentzia cun s’atopu italianu, su Cordinamentu Precàrius Iscola Aristanis e su Comitau Precàrius Iscola Casteddu de sa Sardigna ant a pigai parti “a sa Remozioni Precària” promòvia de sa retza de is precàrius unius. Sighi a ligi ‘De sa Sardigna su disisperu de sa Remozioni Precària’

Record de iscritus po su Campionau Sardu de “Canottaggio”

(IlMinuto) – Casteddu, 13 de su mesi de cabudanni – Funt prus de 250 is iscritus a su Campoinau de “Canottaggio” de sa Sardigna chi s’at a sboddiai in su Lagu Omodeo domínigu 16 de su mesi de cabudanni a cumentzai de is 9.00. A si giogai is títulus de is categorias màscrinas e femininas in su síngulu, in su dópiu, in su cuàturu de copia e in su duus e in su cuàturu chentza ant essi otu is sotziedadis “remiere” sardas: “Sannio Bosa”, “Terramaini”, “Tula Elettra”, “Oristano CN”, “Olbia ASD”, ”LNI Cagliari”, “Amiciremo Ca” e “Ichnusa Ca”. Sighi a ligi ‘Record de iscritus po su Campionau Sardu de “Canottaggio”’

“Dosta”. In Casteddu sa presentada de s’assótziu chi denuntziat sa “acanarjada de is Rom”

(IlMinuto) – Casteddu, 13 de su mesi de cabudanni – Frimai “s’isolamentu, is gherras intre is poberus, is arrevescioris contra a totus, sa ‘xenofobia’ e su ratzismu, is timorias e a sa divisioni e po su prus po frimai s’acanarjada de is Rom!”. Cun custu iscopu nascit Dosta – unu fueddu ca in língua romanes o romani espressat própriu ”basta” – s’assótziu nou chi at essi presentau cenàbara 14 de su mesi de cabudanni in Casteddu (11.00, domu Usb arruga Madalena 20). Sighi a ligi ‘“Dosta”. In Casteddu sa presentada de s’assótziu chi denuntziat sa “acanarjada de is Rom”’