> 14 « mes’e cabudanni « 2012 « ilMinuto – notizie Mediterranee – edizione Sardegna

Archíviu de sa diri 14/09/2012

No a is belenus de gherra e de polìgonu. Cras torrat su sit in de pratza de su Cramu

(IlMinuto) – Casteddu, 14 de su mesi de cabudanni – Sighit cun acunnortadura de un’annu e duus mesis s’atopu mensili aprontau de su Comitau sardu ”Gettiamo le Basi”, de is Famílias de il militaris bocius de tumori, de su Comitau Amparu de Teulada, de Su Sentidu de Decimu e de Su Jassu de Biddeputzi. Su sit in, chi si sboddiat su 15 de dógnia mesi in pratza de su Cramu, tenit s’iscopu de pediri beridadi e giustítzia po is mortus de is belenus de gherra e de su polìgonu e po arremaciai a boxi sèmpiri prus arta ca est netzessàriu “frimai sa destrossa de Istadu contra a sa política governativa de assétiu de sa Magistradura”. Sighi a ligi ‘No a is belenus de gherra e de polìgonu. Cras torrat su sit in de pratza de su Cramu’

Is Butegas de mestieri po aspirantis iscientis

(IlMinuto) – Casteddu, 14 de su mesi de cabudanni – S’iniziativa “Butegas de Mestieri”, promòvia de su Ministeru de su Traballu e de is Política Sotzialis, at a permiti a 3.300 giòvanus (15-29 annus) de imparai unu mestieri e de s’ispecialitzai in is cumpartus prus importantis de s’artesanau “chi funt isparessendi”: po sa Cgia de Mestre (Assótziu Artesanu Impresixeddas), difatis, ddoi est una lista de mestieris chi arriscat de morri, puru po mori de sa truncadura de sa cadena de sa trasmitidura de sa conoscéntzia chi portat is fainasartesanas, prusatotu in Sardigna, a no pigai iscientis. S’iscopu est su de “favorèssiri s’iscoberta, de parti de is prus giòvanus, de is mestieris manualis po agiudai a s’artesanau a torrai a essi su motori de traballu”. Sighi a ligi ‘Is Butegas de mestieri po aspirantis iscientis’

Unu domínigu de mobilidadi sustenìbili

(IlMinuto) – Casteddu, 14 de su mesi de cabudanni – Est po domínigu 16 de su mesi de cabudanni sa manifestada asuba de sa mobilidadi sustenìbili aprontada de s’Unioni isportiva Acli Casteddu cun s’agiudu de is Amigus de sa bicifreta Casteddu. S’atopu, chi s’insertat aintru de su calendàriu de is avenimentus de sa Cida Europea de Mobilidadi Sustenìbili, previdit – si ligit in d-una nota – “Una passillada cun is pàtinus de “Marina Piccola” a sa Bússola po is patinant e po is chi andant in bicicreta o ‘monocicli’ o triciclus de totus is edadis”. Sighi a ligi ‘Unu domínigu de mobilidadi sustenìbili’

Una mata de obia e una targa po amentai sa destrossa de Sabra e Chatila

(IlMinuto) – Casteddu, 14 de su mesi de cabudanni – Est po sàbudu 15 de su mesi de cabudanni a is 12.00 in su Parcu de Monti Claro s’atopu chi sa Provìntzia de Casteddu e s’Assótziu Amigantzia Sardigna Palestina faint po amentai a sa destrossa de Sabra e Chatila, is duus campus po refugiaus palestinesus in sa periferia de Beirut innoia su 15 de su mesi de cabudanni de su 1982 furiant stétias bocias 3milla personis e pagu prus. Sighi a ligi ‘Una mata de obia e una targa po amentai sa destrossa de Sabra e Chatila’