> 2012 mes’e cabudanni 17 | ilMinuto

Archíviu de sa diri 17/09/2012

“Iscuru s’anzone chi isettat latte dae su mariane”. Comitadu pro sa limba sarda àtera protesta

(IlMinuto) – Casteddu 17 de su mesi de cabudanni – Fortzis in medas amentaus sa lítera de su 19 de su mesi de fiàrgiu passau cun sa cali su Comitadu pro sa limba sarda oberriàt sa campagna chi fadiat dimanda a su Presidenti Napolitano de intervenni in faori de s’aprovatzioni de su Paperi europeu de is línguas regionalis e de minoria. Una gherra chi no s’est mai frimada. Est difatis lompia luegu una segunda denúntzia, chi pedit s’aprovatzioni de su Paperi europeu de is línguas regionalis e de minoria e duncas s’avaloramentu de sa língua sarda e s’introdutzioni in is iscolas, in is média e in sa giustítzia, aici comenti istabiliu de is standard de su Consillu de Europa. A reguardu a sa chistioni at fueddau puru s’assessori regionali a sa Cultura Sergio Milia cun d-una lítera a totus is parlamentaris sardus, a manera chi siant issus a billai asuba de sa língua sarda presentendu argumentatzionis, propostas e mudíficas chi tenint s’iscopu de parificai su sardu a is línguas de s’àrea alpinu-francesa, tedescu, slovenu e ladinu – bias, in s’ipótesi de mudífica, línguas de serie A a petus de sa língua sarda, chi, impari a sa friulana e sa francu proventzali, benit cunsiderada língua de serie B. Sighi a ligi ‘“Iscuru s’anzone chi isettat latte dae su mariane”. Comitadu pro sa limba sarda àtera protesta’

(Italiano) Documento. Ratifica ed esecuzione della Carta europea delle lingue regionali o minoritarie, fatta a Strasburgo il 5 novembre 1992

Custu artìculu s\\\\\\\’agatat sceti in %LANG:

Su Beranu de su Pópulu Sardu. In Tramatza nascit sa Consulta Rivolutzionària

(IlMinuto) – Casteddu 17 de su mesi de cabudanni – Si respirat ària de rennovamentu in Sardigna. Su 14 de su mesi de cabudanni passau, difatis, in Tramatza un’assembrea stibia de centinas de Sardus s’est pinnicada po nai basta a una classi política chi no at mai fatu is interessus de s’ísula, chi dda at isprupada comenti chi fessat propriedadi privada, fosilendi a is traballadoris e bocendi cumpartus produtivus intreus . Cun d-unu brìnchidu felinu chi abruxat a totus, su pópulu traballadori sardu – pastoris, artesanus, operàjus, impiegaus, istudiantis e pensionaus – at donau is nascidas a sa Consulta Rivolutzionària, chi manifestat sa boluntadi frima de cabai in campu po salvai a sa terra sua annullendi su Consillu Regionali. Su sugetu si proponit comenti agu políticu chi iat a depi fai papai prúini a is partidus italianus chi ant fatu diventai sa Sardigna s’umbra de cussa etotu. Sighi a ligi ‘Su Beranu de su Pópulu Sardu. In Tramatza nascit sa Consulta Rivolutzionària’

“Nono a su cuntratu iscrobau po is call center”. Oi su corteu de is traballadoris de is telecomunicatzionis

(IlMinuto) – Casteddu 17 de su mesi de cabudanni – Is trabaladoris sardus de is telecomunicatzionis iscioperant e cabant in pratza po pediri su rennovu de su cuntratu acabau a sa fini de su 2011. Oi in Casteddu est difatis in programa unu corteu aprontau de Slc-Cgil, Fiste-Cisl e Uil (9.30, pratza de su Cramu). Sa manifestada at a atraversai bia Roma e at a acabai a faci de sa domu de sa Confindustria. A arriscu – denuntziant is sindacaus – funt prusatotu is diritus de is traballadoris de is call center. Sighi a ligi ‘“Nono a su cuntratu iscrobau po is call center”. Oi su corteu de is traballadoris de is telecomunicatzionis’

Lompit a sa XVII editzioni sa Festa de s’Apendítziu de Seddori

(IlMinuto) – Casteddu 17 de su mesi de cabudanni – Fait dexeseti annus sa Festa de s’Apendítziu de Seddori. Sa manifestada, chi torrat a amostai unus cantu de traditzionis de sa bidda de sa Marmidda, s’at a sboddiai domínigu 23 de su mesi de cabudanni. Comenti dógnia annu is protagonistas berus de sa festa ant essi is abitantis de s’apendítziu, chi ant a amostai sa pratza bona, ant a fai tastai sa cosa de papai de su logu e ant a torrai  a fai iscobèrriri is mestieris antigus. Sighi a ligi ‘Lompit a sa XVII editzioni sa Festa de s’Apendítziu de Seddori’