> 18 « mes’e cabudanni « 2012 « ilMinuto – notizie Mediterranee – edizione Sardegna

Archíviu de sa diri 18/09/2012

Presonis. Puru su fillu de sa nonixedda de 79 annus in su penitentziàriu de Buoncammino

(IlMinuto) – Casteddu, 18 de su mesi de cabudanni – At torrau a atopai a sa mama su fillu de sa nonixedda de 79 annus impresonada in Buoncammino. Po podi abarrai cun sa mama s’ómini at tentau sa fura de unu motocarru e at patuiu cuàturu mesis de presonia. Est custu “s’ésitu assurdu – comentat Maria Grazia Caligaris, presidenti de s’assótziu Sotzialismu Diritus e Reformas – de s’acontéssia foras de contu chi tenit comenti protagonista a Stefania Malu, 79 annus, e a su fillu Casimiro Floris, 52 annus”. Floris, colpiu de malis meda, beniàt curau de sa sorri de sa mama antziana, chi in custu mamentu s’agatat a afrontai una situatzioni grai inerenti a sa saludi de su pobiddu. “Mama e fillu – afirmat Caligaris – si funt atopaus e ant potziu chistionai in presoni. Puru si custu si podit parri una cosa foras de conca s’acostamentu de su fillu at asseliau a sa fémina a sa cali sa lontanantzia e s’impossibilidadi de ddu biri donàt ànsia e discumbéniu”. Sighi a ligi ‘Presonis. Puru su fillu de sa nonixedda de 79 annus in su penitentziàriu de Buoncammino’

Sa rufa catalana pretendit s’indipendéntzia

(IlMinuto) – Casteddu, 18 de su mesi de cabudanni – S’imprenta dda at definia “sa manifestada prus manna de s’istória de sa Catalogna” sa chi at isfilau s’11 de su mesi de cabudanni in Barcellona po sa festa natzionali catalana. Unu milioni e mesu de personis po pediri s’indipedéntzia de sa Catalogna e s’irminorigamentu de su cuntributu fiscali pagau a su stadu tzentrali. Unu cuintu de su pil ispagnolu, difatis, est rapresentau de s’ecunumia catalana, mentris su raportu intre deficit e pil est de su 3,9 po centu. Sa dimanda de unu stadu indipendenti, acotzada de is aprontadoris de sa manifestada (Assembrea natzionali catalana e Assótziu de is comunus po s’indipendéntzia), at postu impari una fita manna de sa populatzioni, intre  is chi pedint unu modellu nou de finantziamentu de sa Catalogna e is chi si oponint a is irminorigamentus bófius de sa crisi. Sighi a ligi ‘Sa rufa catalana pretendit s’indipendéntzia’

Cursus. Angetzia Laore promovit unu caminu po operadori de fatorias didàticas

(IlMinuto) – Casteddu, 18 de su mesi de cabudanni – Unu cursu po diventai operadori de fatoria didàtica. Est su caminu de imparu po is operadoris de sa provìntzia de Tàtari aprontau de s’Agentzia Laore Sardigna e indiritzau a totus is chi “bolint cumentzai in s’azienda agricula serbítzius educativus e didàticus po is iscolas”. Sighi a ligi ‘Cursus. Angetzia Laore promovit unu caminu po operadori de fatorias didàticas’

Festival Suns: Randagiu sardu e Quilo in finali in Udine cun “S’arrespiru”

(IlMinuto) – Casteddu, 18 de su mesi de cabudanni – Importanti atestatzioni po sa Sardigna in su Suns contest, Festival de is Línguas de minoria. Randagiu sardu e Quilo, boxi e babu de s’istórica band Sa Razza, ant a pigai parti difatis a sa finali de su Suns 2012, in programa su 2 de su mesi de totussantus in Udine, cun sa cantzoni “S’arrespiru”. “Sa cantzoni de Randagio sardu e Quilo at passau is isceberus intre dexinas de artistas – si ligit in d-unu comunicau de imprenta - i est totu in língua sarda, in sa varianti campidanesa. Sighi a ligi ‘Festival Suns: Randagiu sardu e Quilo in finali in Udine cun “S’arrespiru”’

In Rebbeccu arribat “intras in cabidanni”

(IlMinuto) – Casteddu, 18 de su mesi de cabudanni – Si lamat “intras in cabidanni” s’atopu chi s’at a sboddiai in is diris de sàbudu 22 e de domínigu 23 de su mesi de cabudanni in su biddixedda Rebeccu, sa fratzionedda de su comunu de Onòrva chi tenit un’abitanti scéti. Sighi a ligi ‘In Rebbeccu arribat “intras in cabidanni”’