> 19 « mes’e cabudanni « 2012 « ilMinuto – notizie Mediterranee – edizione Sardegna

Archíviu de sa diri 19/09/2012

“Arcivatzioni e catalogatzioni de is màginis fotogràficas digitalis”. Seminàriu in sa Facoltadi de Architetura de Casteddu

(IlMinuto) – Casteddu, 19 de su mesi de cabudanni – S’at a sboddiai cras su de noi atopus de sa “Fibera de is seminàrius 2012″ aprontaus de su CRS4. S’avenimentu, est po totu sa genti, po is istudiantis e is impresas e s’at a sboddiai in sa domu de sa Facoltadi de Architetura de Casteddu in arruga “Corte d’Appello” 87 a is 17.30. Títulu de su seminàriu: “Arcivatzioni e catalogatzioni de is màginis fotogràficas digitalis”. A presentai s’atopu at essi Maurizio Agelli, istudiosu de ténnicas po sa gestioni de is “contenuti multimediali” de su CRS4. “Su seminàriu -acrarat una nota de imprenta – at essi asuba de sa gestioni de is arcivus de màginis: comenti ddas aprontai, comenti ddas acastiai in su tempus e comenti ddas fai diventai fasias in modu profetosu”, e s’”at a frimai apitzus de cuntzetus de importu mannu comenti is ‘fomarti’ is ‘metadati’, sa catalogatzioni e su backup”. Sighi a ligi ‘“Arcivatzioni e catalogatzioni de is màginis fotogràficas digitalis”. Seminàriu in sa Facoltadi de Architetura de Casteddu’

A sa IV editzioni su cuncursu de is sebadas

(IlMinuto) – Casteddu, 19 de su mesi de cabudanni – Fait cuàturu annus su cuncursu de is sebadas, una de is perellas de s’ofelleria de sa Sardigna. S’atopu est prevìdiu po sàbudu 6 de su mesi de ledàminis de su 2012 in Bolòtana. “S’avenimentu chi tenit s’iscopu de incrichiri e promòviri sa cultura e sa conoscéntzia de is produtzionis de calidadi fatas de s’industria chi traballat su lati – si ligit in d-una nota – est po is produtoris chi funt in Sardigna”. Po pigai parti a su cuncursu tocat a mandai a su comitau chi aprontat s’avenimentu sa dimanda de partecipatzioni e su regulamentu firmaus, totu intru is 14.00 de su primu de su mesi de ledàminis de su 2012 atressu de fax, posta o a manu, a s’indiritzu: Laore – Portellittu únicu territoriali Marghine Cursu Umbertu I, 226 – 08015 Macumère tel. 078571089 fax 078571593 referenti Pasquale Marrosu – cell. 348 2363192. Sighi a ligi ‘A sa IV editzioni su cuncursu de is sebadas’

Contra a s’austerty greca una manifestada manna

(IlMinuto) – Casteddu, 19 de su mesi de cabudanni – 12milla e prus personis ant pigau parti a sa manifestada chi s’est sboddiada in Salonicco s’8 de su mesi de cabudanni. Iscopu: andai contras a is determinus nous foras de contu de 11,5 miliardus de eurus pedius de sa Bce, Fmi e Comissioni europea chi ant a andai a ferri ulteriormenti is ispesas sotzialis e chi ant a custringi, segundu su pranu prevìdiu po su 2013 e su 2014, a reformas noas de su mercau de su traballu.

Fotografia de kiluz. Pigada de Flickr

Intre Biddamara e Nureci is dua diris de s’Olimpíade de su giogu traditzionali de sa Sardigna

(IlMinuto) – Casteddu, 19 de su mesi de cabudanni – At a cumentzai sàbudu 29 de su mesi de cabudanni in Biddamara s’Olimpíade de su giogu traditzionali de sa Sardigna, lompia ocannu a s’otava editzioni sua e aprontada de is Cunsórtzius Turiscus Sa Corona Arrubia e “Due Giare” cun sa diretzioni de Roberta Muscas. Sa manifestada est po is pipius chi tenint un’edadi chi andat de is ses a is 18 annus. Totus is chi ant a pigai parti ant essi cumpartzius in grupus e ant a portai is bistiris de is antigus insoru donendusì batalla cun is giogus de sa traditzioni sarda, intre custus s’at a giogai a Luna monta, Badruffa, Biccus, Cadiredda santa. Sighi a ligi ‘Intre Biddamara e Nureci is dua diris de s’Olimpíade de su giogu traditzionali de sa Sardigna’