> 2012 mes’e cabudanni 24 | ilMinuto

Archíviu de sa diri 24/09/2012

“Sa tzentrali a ‘biomasse’ de Pòrtu Turre unu perígulu nou po s’ambienti”. Sa denúntzia de su Grupu de interventu giurídicu

(IlMinuto) – Casteddu 24 de su mesi de cabudanni – Sighit de cida in cida sa faina de càstiu ambientali de su Grupu de interventu giurídicu e de is Amigus de sa Terra. Su 19 de su mesi de cabudanni is assótzius ecologistas, cun s’agiudu de s’Assótziu Méigus po s’Ambienti, ant aviau un’atu de interventu cun “annotu” a sa Regioni Sardigna (Serbítziu regionali avaloramentu “impatti” ambientali) asuba de su progetu de tzentrali a “biomasse” de sa Enipower s.p.a. in su tretu industriali de Pòrtu Turre. Tzentrali chi po Gig e Adt rapresentat “un’àteru perígulu po s’ambienti”. Sighi a ligi ‘“Sa tzentrali a ‘biomasse’ de Pòrtu Turre unu perígulu nou po s’ambienti”. Sa denúntzia de su Grupu de interventu giurídicu’

Est Giommaria Idda su campioni sardu de Kayak

(IlMinuto) – Casteddu 24 de su mesi de cabudanni – Est Giommaria Idda su campioni sardu de Kayak de sa primu editzioni de su “Sardinia Racing Cup”. Su campionau sardu at biu su bincidori dominai comenti protagonista assolutu. Idda s’est difatis agiudicau su títulu pighendusì tres primu postus e duus segundus postus in cincu garas fatas. Sighi a ligi ‘Est Giommaria Idda su campioni sardu de Kayak’

Progetu Lianora: Cumitau cívicu versus síndigu

(IlMinuto) – Casteddu 24 de su mesi de cabudanni – Martis 18 de su mesi de cabudanni, a pustis de su Consillu Comunali de Arborea, po su Progetu Lianora est lompiu su mamentu de sa craresa. S’assembrea cívica chi at atopau a is rapresentantis de sa comunidadi in provìntzia de Aristanis at difatis arreusau sa pregunta de su Cumitau No a Su Progetu Lianora chi dimandàt cun craresa s’imbiu de una lítera, indiritzada a sa Saras s.p.a, po ndi liai a su pranu de pertusamentu. “Su chi s’aministratzioni Comunali at bófiu nai – afirmant is membrus de su Cumitau – est stétiu craru: nos no seus interessaus inderetura”. In àterus fueddus – si pretzisat in d-una nota de imprenta - ”s’Aministratzioni Comunali de Arborea no est interessada inderetura in custa batalla po sa difesa de su territóriu [...] de sa destrossa ambientali de is barrinas de sa Saras”. Sighi a ligi ‘Progetu Lianora: Cumitau cívicu versus síndigu’

Atopus: su 27 de su mesi de cabudanni in Nùgoro su progetu “TrasportAci” Segurus

(IlMinuto) – Casteddu 24 de su mesi de cabudanni – S’at a sboddiai su 27 de su mesi de cabudanni in Nùgoro, in sa saba cuferéntzias de s’Ispidali Santu Franciscu, sa presentada de su progetu “TrasportAci” Segurus, apitzus de su tema de sa seguresa in su trasportu de is minoris. “S’a.c.i. (‘Automobile Club d’Italia’) e ‘Automobile Club’ de Nùgoro – si ligit in d-una nota – cun s’agiudu de s’Azienda Sanitària de Nùgoro, bolint, difatis, sensibilitzai a is babus e a is mamas asuba de s’importàntzia de is sistemas prus afatentis a su trasportu in seguresa de is fillus in màchina”. Sighi a ligi ‘Atopus: su 27 de su mesi de cabudanni in Nùgoro su progetu “TrasportAci” Segurus’

In Casteddu e in Tàtari unu cursu asuba de is citatzionis in su sistema de sa comunicatzioni issentífica

(IlMinuto) – Casteddu 24 de su mesi de cabudanni – Tenit comenti títutlu “Is citatzionis in su sistema de sa comunicatzioni issentífica: de is software bibliogràficus a sa ‘bibliometria’” su cursu de duas diris chi Nicola De Bellis, de s’Universidadi de is istùdius de Modena, at a fai in is duas tzitadis prus mannas sa de su Meridioni e sa Tramuntana de sa Sardigna: in Casteddu s’1 e su 2 de su mesi de ledàminis in is aposentus de su Retorau in arruga Universidadi 40 e in Tàtari su 3 e su 4 de su mesi de ledàminis in su Tzentru linguisticu de Ateneu, in arruga Zanfarini 53. Su cursu tenit comenti ogetu su tratamentu de is citatzionis bibliograficas in campu issentíficu. Sighi a ligi ‘In Casteddu e in Tàtari unu cursu asuba de is citatzionis in su sistema de sa comunicatzioni issentífica’