> 2012 mes’e cabudanni 25 | ilMinuto

Archíviu de sa diri 25/09/2012

In Utieri assembrea Populari de sa Consulta Rivolutzionària. aMpI: un’”única lota de pópulu po sa soverania, s’autoguvernu e su traballu”

(IlMinuto) – Casteddu, 25 de su mesi de cabudanni – Est prevìdia po sàbudu 29 de su mesi de cabudanni a is 10.30 in Santu Nigola de Utieri s’assembrea Populari de sa Consulta Rivolutzionària. Un’atopu po chistionai asuba de sa manifestada manna de su pópulu sardu, prevìdia in sa segunda metadi de su mesi de ledàmis in Casteddu. S’obietivu est pediri is dimissionis de totu sa classi política chi in annus e annus de “autonomismo” est arrenescia a ispurpai sa Sardigna torrendidda a s’umbra de cussa etotu. Sighi a ligi ‘In Utieri assembrea Populari de sa Consulta Rivolutzionària. aMpI: un’”única lota de pópulu po sa soverania, s’autoguvernu e su traballu”’

Candu su traballu bocit. In Sardigna seti mortus de su mesi de gennàrgiu a su mesi de austu.

(IlMinuto – Casteddu, 25 de su mesi de cabudanni – In Sardigna si sighit a morri po mori de su traballu. Mancai is efetus de sa crisi económica siant sèmpiri prus grais e su disimpreu siat crescendi, in is primus mesis de su 2012 in s’ísula is mortus in su logu de su traballu funt stétius seti. Su datu si podit ligi in is statisticas fatas conosci de s’Osservatóriu Vega Engineering, chi perou no incluint is moruts in itinere e is mortus acapiaus a sa circulatzini de is istradas. Sighi a ligi ‘Candu su traballu bocit. In Sardigna seti mortus de su mesi de gennàrgiu a su mesi de austu.’

Lissia e líburus, Casteddu oberrit is ennas a su Book Sharing

(IlMinuto) – Casteddu, 25 de su mesi de cabudanni – Po sa primu borta lompit in Sardigna su Book Sharing, líberu iscàmbiu de líburus intre tzitadinus: líburus chi no si serbint prus e líburus chi si bolint cundividi e contzillai. Su scàmbiu non s’at a tenni in is mureddas o in is pedríscias, ma in is parastàgius de una lavanderia self-service. Su bixinau Biddanoa de Casteddu e sa lavanderia Santu Giacu ant a acasagiai, difatis, a cumentzai de mérculis 26 de su mesi de cabudanni, is líburus de sa proposta “Piga unu líburu, lassa unu líburu”. Nàscia de una bidea de su meri de s’atividadi, sa proposta inseurrat de su cuntzetu de filosofia culturali sustenìbili, lompia fintzas a innoni de is States. “Sa ‘libreria’ de sa lavanderia Santu Giacu – si ligit in d-una nota de imprenta – est oberta totu sa cida po seti diris, de is 8.00 de su mangianu a is 21.00 po podi pigai e lassai líburus”. Sighi a ligi ‘Lissia e líburus, Casteddu oberrit is ennas a su Book Sharing’

Basket A1F. Bitória de su Cus Casteddu in S’Alighera

(IlMinuto) – Casteddu, 25 de su mesi de cabudanni – Est stétiu su Cus Casteddu a s’agiudicai su “quadrangolare” “Tzitadi de S’Alighera”. Agoa de ai bintu 93 a 53 contra a su “Sant’Orsola Team ’98″ Tàtari (A3) in sa semifinali de cenàbara passau, is piciocas de Federico Xaxa, cun d-una partida bella meda cumbatia fintzas a sa fini, ant bintu contra a sa Mercede Alighera puru e ant acabau su match 58 a 60

Fotografia de Culture Mauges. Pigada de Flickr

In Bòrore unu cuncursu asuna de sa cota traditzionali

(IlMinuto) – Casteddu, 25 de su mesi de cabudanni – At essi su Museu de su pani de Bòrore a acasagiai, su 7 de su mesi de ledàminis a cumentzai de is 17.00, unu cuncursu dedicau a sa cota traditzionali in Sardigna. Sa gara, aprontada de s’aministratzioni comunali de sa bidda in provìntzia de Nùgoro, at a biri su sboddicamentu de ”una proa pràtiga, oberta a sa genti, chi cunsistit in s’amaniada de sa tipica cocoi pintada, otenta de un’inconi de pasta fata cun simbua, àcua, framentu e sabi”. Sighi a ligi ‘In Bòrore unu cuncursu asuna de sa cota traditzionali’