> In Casteddu e in Tàtari unu cursu asuba de is citatzionis in su sistema de sa comunicatzioni issentífica | ilMinuto

In Casteddu e in Tàtari unu cursu asuba de is citatzionis in su sistema de sa comunicatzioni issentífica

(IlMinuto) – Casteddu 24 de su mesi de cabudanni – Tenit comenti títutlu “Is citatzionis in su sistema de sa comunicatzioni issentífica: de is software bibliogràficus a sa ‘bibliometria’” su cursu de duas diris chi Nicola De Bellis, de s’Universidadi de is istùdius de Modena, at a fai in is duas tzitadis prus mannas sa de su Meridioni e sa Tramuntana de sa Sardigna: in Casteddu s’1 e su 2 de su mesi de ledàminis in is aposentus de su Retorau in arruga Universidadi 40 e in Tàtari su 3 e su 4 de su mesi de ledàminis in su Tzentru linguisticu de Ateneu, in arruga Zanfarini 53. Su cursu tenit comenti ogetu su tratamentu de is citatzionis bibliograficas in campu issentíficu. “Sa citatzioni bibliogràfica - si ligit in d-una nota de imprenta – at essi duncas analizada de is duus parri possíbilis: de chini dda fait (s’autori, su bibliotecàriu, s’istudiosu) e de chini dda impitat po iscopus chi no funt bibliogràficus (su políticu, su manager, su referee, su cumissàriu de cuncursu)”. Po ndi sciri de prus asuba de su programa e asuba de is de iscritzionis castit in su giassu de su cursu

Fotografia de federico novaro. Pigada de Flickr

© RIPRODUZIONE RISERVATA

0 Arrespustas a “In Casteddu e in Tàtari unu cursu asuba de is citatzionis in su sistema de sa comunicatzioni issentífica”


Is cummentus funt serraus.