> In Utieri assembrea Populari de sa Consulta Rivolutzionària. aMpI: un’”única lota de pópulu po sa soverania, s’autoguvernu e su traballu” | ilMinuto

In Utieri assembrea Populari de sa Consulta Rivolutzionària. aMpI: un’”única lota de pópulu po sa soverania, s’autoguvernu e su traballu”

(IlMinuto) – Casteddu, 25 de su mesi de cabudanni – Est prevìdia po sàbudu 29 de su mesi de cabudanni a is 10.30 in Santu Nigola de Utieri s’assembrea Populari de sa Consulta Rivolutzionària. Un’atopu po chistionai asuba de sa manifestada manna de su pópulu sardu, prevìdia in sa segunda metadi de su mesi de ledàmis in Casteddu. S’obietivu est pediri is dimissionis de totu sa classi política chi in annus e annus de “autonomismo” est arrenescia a ispurpai sa Sardigna torrendidda a s’umbra de cussa etotu. Una classi política – pretzisat su diretivu natzionali de aMpi, membru de sa Consulta – “chi at fatu is interessus de su stadu italianu, de is multinatzionalis, de is determinus europeus e de su clientelismu insoru a dannu de is punnas e de is interessus de pastoris, massajus, operàjus, precàrius de s’iscola, istudiantis, disimperaus, mercanderis e de totu is traballadoris sardus”.

Fotografia de heatheronhertravels. Pigada de Flickr

© RIPRODUZIONE RISERVATA

0 Arrespustas a “In Utieri assembrea Populari de sa Consulta Rivolutzionària. aMpI: un’”única lota de pópulu po sa soverania, s’autoguvernu e su traballu””


Is cummentus funt serraus.