> Karate: is atletas de su Karate Club Kanazawa Cuartu in sa natzionali Jka po isfidai a su Sud America | ilMinuto

Karate: is atletas de su Karate Club Kanazawa Cuartu in sa natzionali Jka po isfidai a su Sud America

(IlMinuto) – Casteddu, 20 de su mesi de cabudanni – Fortunas noas po su Karate Club Kanazawa de Cuartu Sant’Alèni. Massimo Piludu, Luca Matta, Rosmari Machado, Alessandro Piludu, Simone Mocci – totus atletas cintura niedda, allenaus de is responsàbilis Jka Sardigna maistus Alberto Piludu e Alberto Fogu – e Davide Lima iscienti de su maistu Sandro Spanu (Budokan Crabas), funt stétius difatis sceberaus e avisaus in s’iscuadra italiana Jka de su maistu giaponesu Takeshi Naito, responsàbili ténnicu de sa federatzioni, po pigai parti a sa manifestada internatzionali “Trofeu Columbus”, in programa sàbudu 29 de su mesi de cabudanni in su palatzeddu de s’Isport de Cantù (“Tzentru isportivu Toto Caimi”). S’iscuadra at a afrontai a 40 atletas, de sa Jka Sud America (10 natzionis). S’atopu at a sighiri domínigu 30 de su mesi de cabudanni cun d-unu stage internatzionali innoia ddoi ant essi puru Takeshi Naito, de Masao Kawazoe (Responsàbili JKA Inghilterra e Iscozia) e Mitsuo Inoue (D.T. JKA Argentina – Responsàbili po su Sud America). “Po is iscientis nostrus – cumentant Piludu e Fogu – est un’onori essi stétius avisaus de su maistu Naito a pigai parti a unu torneu internatzionali de importu aici mannu e aprontau de sa Jka, s’organizatzioni prus importanti de su Karate Shotokan traditzionali in su mundu”

Fotografia de FranzPisa. Pigada de Flickr

© RIPRODUZIONE RISERVATA

0 Arrespustas a “Karate: is atletas de su Karate Club Kanazawa Cuartu in sa natzionali Jka po isfidai a su Sud America”


Is cummentus funt serraus.