> Master intre sa Sardigna e sa Cina po programai sa sustenibilidadi | ilMinuto

Master intre sa Sardigna e sa Cina po programai sa sustenibilidadi

(IlMinuto) – Casteddu, 13 de su mesi de cabudanni – Ddoi at tempus fintzas a is 12.00 de cras 14 de su mesi de cabudanni po s’iscriri a su Master internatzionali ”Programatzioni e políticas po sa tzitadi, s’Ambienti e su Paisàgiu – ‘Advanced methods and tools for sustainable planning’” aprontau de sa Facoltadi de Architetura de S’Alighera de s’Harbin Institute of Tecnology intre is prus importantis istruturas univertitàrias cinesas. Su Master, de un’annu, previdit 500 oras de letzionis e laboratórius chi s’ant a sboddiai intre sa Sardigna e sa Cina, 500 oras de istùdiu individuali e duus mesis de stages foras de istadu, de si fai in is entis e in istudius professionalis reconotus. Su Master, ativau cun s’agiudu de sa Regioni Autónoma de sa Sardigna, est a gratis po totus is laureaus residentis in Sardigna assumancu de tres annus: “Sa Regioni – si ligit in su documentu de su bandu de atrogu a su Master – at a pigai parti a is ispesas de biàgiu, bívidu e ospedazu atressu de contributus a forfait ([...] biàgiu de andada e torrada de sa domu de su stages, ispesas de bívidu e ospedazu) po is stages e po su cursu de duus mesis in s’Harbin Institute of Technology ad Harbin (Cina)”.

© RIPRODUZIONE RISERVATA

0 Arrespustas a “Master intre sa Sardigna e sa Cina po programai sa sustenibilidadi”


Is cummentus funt serraus.