> Sinistra Critica Sarda cabat a su costau de is “Pópulus in Lota”. Domínigu in Bilàrtzi sa presentada de su progetu indipendentista e anticapitalista « ilMinuto – notizie Mediterranee – edizione Sardegna

Sinistra Critica Sarda cabat a su costau de is “Pópulus in Lota”. Domínigu in Bilàrtzi sa presentada de su progetu indipendentista e anticapitalista

(IlMinuto) – Casteddu, 3 de su mesi de cabudanni – “Po unu progetu indipendentista e anticapitalista”. No est scéti su títulu de s’úrtimu documentu fatu de Sinistra Critica Sarda: est sa proposta de traballu comunu chi s’organizatzioni at a presentai po s’assembrea congressuali in programa po domínigu chi benit in Bilàrtzi (Sotziedadi Operaja, 10.00). Is traballus de su mangianu ant essi difatis obertus a totus is istàntzias políticas interessadas a su cunfrontu apitzus de su sceberu  fatu de s’organizatzioni anticapitalista de una línia indipendentista, chi cun su congressu de Bilàrtzi – si ligit in su documentu – imbucat ”in su campu mannu de su conflitu de is Pópulus in Lota”. “S’invocatzioni istórica pròmovia de is giòvanus de Atene in is primus cidas de crisi, ‘furriaisì’, est acostai primu de totu – pretzisat su documentu – a is natzionis chentza de istadu. Si impegnaus comenti sardus, a su costau de is bascus, de is corsus, de is catalanus, de is bretonis, de is iscotzesus e de totu is àterus, po ponni torra in s’odg unu progetu de un’Europa de is pópulus, chi siat impari s’Europa de is traballadoris, de is féminas, de is giòvanus e de is furesteris chi lompint de logus chi s’agatant prus atesu”.

© RIPRODUZIONE RISERVATA

0 Arrespustas a “Sinistra Critica Sarda cabat a su costau de is “Pópulus in Lota”. Domínigu in Bilàrtzi sa presentada de su progetu indipendentista e anticapitalista”


Is cummentus funt serraus.