> 2012 mes’e ledàminis 01 | ilMinuto

Archíviu de sa diri 1/10/2012

“No a su Progect Financing” a Manca pro s’indipendentzia in difesa de is traballadoris

(IlMinuto) – Casteddu, 1 de su mesi de ledàminis – “No a su Progect Financing” po sa gestioni de sa Asl de Nùgoro. a Manca pro s’Indipendentzia fueddat craru in difesa de is traballadoris, chi no tenit seguramenti abisóngiu “de una gherra intre poberus”. Si scit, difatis – pretzisat sa manca indipendentista – ca sa gestioni de is traballadoris in is manus de is apaltadoris privaus no est unu de is métidus prus límpius po dirigi un’istrutura pública. Cun custa pràtiga, “is traballadoris chi benint pigaus e lissentziaus chentza de nisciunu diritu, chi benit pagaus cun d-unu gagiu de fàmini de 600 eurus, chi benint improsaus de tenni unu tempus benidori a tempus indeterminau, a su mamentu giustu ant essi liessentziaus su mantessi aici comenti est stétiu fatu cun is chi funt stétius pigaus primu chi ant essi ispremius e agoa bogaus comenti prus ddis praxit”. Sighi a ligi ‘“No a su Progect Financing” a Manca pro s’indipendentzia in difesa de is traballadoris’

S’ex “Bocciodromo” de Pòrtu Turre torrat a pigai vida cun Ncl

(IlMinuto) – Casteddu, 1 de su mesi de ledàminis – S’ex “Bocciodromo” de Pòrtu Turre torrat a pigai vida. A si dda torrai, cenàbara passau, cun sa màssima ”ocupai po liberai”, est su movimentu Ncl, “Noi Contro Loro”. S’istrutura de sa bidda de sa Sardigna de Tramuntana chi de diversus annus furiat posta mali imoi torrat a abidai e diventat unu Tzentru Sotziali Autogestiu. Istresiendi su discùidu, s’ex “Bocciodromo” si iat a depi difatis trasformai – si ligit in d-una nota de imprenta - in d-”unu Logu creativu e ‘aggregativo’, modernu e innovativu, prontu a si cunfrontai cun su valori traditzionali e arrexinau de sa tzitadi, atressu de programatzionis sèmpiri noas, didàticas e de serbítziu sotziali e culturali”. A petus de s’istadu de crisi chi ferrit a sa Sardigna, Ncl si furriat circhendi de avalorai sa tzitadi de Pòrtu Turre, una de is realidadis isulanas connotas po su disacatu e s’abandonu. Sighi a ligi ‘S’ex “Bocciodromo” de Pòrtu Turre torrat a pigai vida cun Ncl’

Traballu: su Comunu de Casteddu circat a unu frigorista e a un’arcivista

(IlMinuto) – Casteddu, 1 de su mesi de ledàminis – Duas is bagas de traballu po is residentis in Casteddu. Fintzas a su 4 de su mesi de ledàminis de su 2012, de is 8.30 a is 11.30, in sa domu de su Tzentru de is Serbítzius po su Traballu, in arruga Calamattia 12, est possíbili presentai is dimandas po su traballu chi si depit isboddiai in su Comunu etotu. Sighi a ligi ‘Traballu: su Comunu de Casteddu circat a unu frigorista e a un’arcivista’

Prétzius in Casteddu: in su mesi de cabudanni carestia po is ispesas po s’imparu (+3,4%)

(IlMinuto) – Casteddu, 1 de su mesi de ledàminis – Torrant a oberri is iscolas e s’aumentu de is prétzius in Casteddu in su mesi de cabudanni s’agatat prusatotu in su cumpartu “Imparu” (+3,4%). Ddu fait isciri su comunicau de su mesi fatu conosci de su Serbítziu Informatica e Statistica de su Comunu. In totu in su mesi chi est acabau imoi is prétzius po is consumadoris funt abasciaus de su 0.1%, mentris in su mesi de austu su mantessi indixi furiat cresciu de su 0,5. Sighi a ligi ‘Prétzius in Casteddu: in su mesi de cabudanni carestia po is ispesas po s’imparu (+3,4%)’

Abruxa: fintzas a su 14 de su mesi de ledàminis in mostra a Crabònia

(IlMinuto) – Casteddu, 1 de su mesi de ledàminis – Si lamat Abruxa i est su títulu de sa mostra fotografica, aprontada de s’Assótziu Sonebentu, chi bit comenti protagonistas a is màginis de Fabio Dongu. Inaugurada sàbudu 29 de su mesi de ledàminis, s’aparada amostat 60 fotografias fatas po is ripresas de su film de Stefano Obino “Sa terra aintru”. Totus is màginis in biancu e nieddu chi contant su tzínema pighendi personis, logus e atmosferas. Sighi a ligi ‘Abruxa: fintzas a su 14 de su mesi de ledàminis in mostra a Crabònia’