> 03 « mes’e ledàminis « 2012 « ilMinuto – notizie Mediterranee – edizione Sardegna

Archíviu de sa diri 3/10/2012

Interrogatzioni Madau ProgRes asuba de su Presoni de Massama

(IlMinuto) – Casteddu, 3 de su mesi de ledàminis – Un’istrutura-mostru chi at a acasagiai mafiosus e camorristas sa chi a Massama, in provìntzia de Aristanis, at a oberri is cellas suas su 7 de su mesi de ledàminis chi benit. Sa denúntzia, fata de su parlamentari de su Pdl Mauro Pili atressu de un’interpellatzioni a su ministeru de sa Giustítzia, est stétia torrada a pigai de ProgReS – Progetu Repùblica chi atressu de su consilleri provintziali suu Sebastian Madau at presentau un’interrogatzioni a sa Giunta provintziali. Sa provìntzia de Aristanis – narat Madau – “s’agat in is úrtimus postus po ‘infrastrutture’ económicas e sotzialis (trasportus, imparu, sanidadi)”, ma su territóriu bit investimentus mannus in istruturas penitentziàrias, gràtzias a su Pranu Istraordinàriu Presonis aprovau de su Guvernu Italianu in su 2009. Sighi a ligi ‘Interrogatzioni Madau ProgRes asuba de su Presoni de Massama’

Lompit in Sardigna sa campagna ambientalista “CircOLIamo”

(IlMinuto) – Casteddu, 3 de su mesi de ledàminis – Est prevìdiu po oi s’arribu de sa campagna informativa “CircOLIamo”, nàscia de una bidea de su “Consorzio Obbligatorio degli Oli Usati”. De Terranoa a Casteddu, su tir publicitàriu de su Coou, at a tucai po unu viàgiu longu tochendi ses tzitadis isulanas. Su promotruck de su Coou s’at a frimai in is pratzas sardas de importu prus mannu po atopai a is piciocus de is iscolas, a is tzitadinus, a is media e a is istitutzionis cun s’iscopu de promòviri s’annestru ambientali e de fueddai de sa conoscéntzia de is pràtigas giustas de smartimentu de s’ollu ungidori impitau. Is temas de importu mannu pigaus cun is responsàbilis de su Cunsórtziu e de is autoridadis regionalis, provintzialis e comunalis ant essi is ungidoris “esausti”, is arriscus po s’ambienti, s’importu de su “riciclo” de is arrestus perigulosus e is bagas po s’ecunumia de su logu. Sighi a ligi ‘Lompit in Sardigna sa campagna ambientalista “CircOLIamo”’

Traballu: su scrillitu disisperau de is ex traballadoris de Canabi 40

(IlMinuto) – Casteddu, 3 de su mesi de ledàminis – Funt passaus giai duus annus de candu Cabali 40, sa tv de su Surcis Igresienti, at serrau is batentis ponendu in càscia de integratzioni is dipendentis suus. “Po annus meda – acrarat Paolo Mocci , unu de is traballadoris de Canabi 40, in d-una nota pubricada in su social network Facebook – seus stétius sa boxi de is operàjus in lota, de is disimperaus e de is famílias insoru. Si seus agataus a su costau insoru in is assembreas de fàbrica, in is corteus de protesta, in is gallerias ocupadas, poita una testimónia, candu totus si furriànt po no castiai su chi andàt mali, est un’óbrigu dópiu a dda donai”. agoa sa crisi at tocau Canabi 40 puru, est lómpia sa serradura, e cun issa sa càscia de integratzioni po is ses traballadoris chi ant mandau ainnantis s’emitenti. A faispaciai s’atividadi funt stétius una fibera de aerrus fatus de àterus: contus faddius de s’Inps po su 2011 e aerrus aziendalis chi ant portau a is ex dipendentis de sa tv de su Surcis Igresienti a no biri de su mesi de totussantus de su 2011 nimancu un’euru de su mesi.

Sighi a ligi ‘Traballu: su scrillitu disisperau de is ex traballadoris de Canabi 40′

(Italiano) Documento: disabili gravissimi fisici e psichici. Scheda di Progetto Sperimentale: Restare a Casa

Sighi a ligi ‘(Italiano) Documento: disabili gravissimi fisici e psichici. Scheda di Progetto Sperimentale: Restare a Casa’

(Italiano) Documento: lettera al Governo Italiano sulla situazione dei malati gravissimi non autosufficienti

Sighi a ligi ‘(Italiano) Documento: lettera al Governo Italiano sulla situazione dei malati gravissimi non autosufficienti’