> 2012 mes’e ledàminis 04 | ilMinuto

Archíviu de sa diri 4/10/2012

In su Turisport de Casteddu “Pipius in Bici Fiera”

(IlMinuto) – Casteddu, 4 de su mesi ledàminis – Ddoi at essi “Città Ciclabile Onlus” puru sàbudu 6 e domínigu 7 de is 10.00 a is 20.00 po sa 33° editzioni de Turisport, chi s’at a sboddiai in is aposentus de sa fiera campionària de sa tzitadi de Casteddu. Cunt su stand de scedas suu, s’assótziu at a presentai a is bisitadoris is próprius fainas, is propostas e is progetus po sa “ciclabilità” tzitadina e de totu su tretu mannu de Casteddu. In sa diri de domínigu, balu, de is 16.00 a is 18.00 ”Città Ciclabile” at a aprontai su Turisport Baby “Pipius in Bici Fiera”. Una proposta dedicada a is pipius innoia ant essi aprontaus caminus cun sa segnalética e caminus de abilesa chi ant a tenni s’iscopu de imparai comenti fai in istrada cun sa bicicreta. Sighi a ligi ‘In su Turisport de Casteddu “Pipius in Bici Fiera”’

“Una Comissioni de inchiesta asuba de su presoni nou de Casteddu”. Su cumbidu de Sdr a is parlamentaris sardus

(IlMinuto) – Casteddu, 4 de su mesi de ledàminis – “Traballu donau nimancu 7 annus fait chentza de bandu públicu e cuaus. Casi 60 milionis de eurus ispaciaus. Diritus de is traballadoris sèmpiri oféndius. Acabu de is traballus misteriosus”. Funt custus is fatus chi faint movi a s’Assótziu Sotzialismu Diritus e Reformas a pediri a is deputaus e a is senadoris sardus de “intzutzulai a s’istitutzioni de una Comissioni parlamentari de inchiesta” asuba de su presoni nou de Casteddu. ”Cali est s’arrexoni – pedit Caligaris in d-una nota de imprenta – poita s’impresa ‘Operas Públicas’ no est arrenescia fintzas a imoi a arrespetai is impignus, poita no pagat cun regularidadi a is traballadoris e no inditat in su cartellu de su cantieri sa data po finiri s’istrutura? Sighi a ligi ‘“Una Comissioni de inchiesta asuba de su presoni nou de Casteddu”. Su cumbidu de Sdr a is parlamentaris sardus’

Sa torrada de is anguiddas indìgenas in su Coghinas

(IlMinuto) – Casteddu, 4 de su mesi ledàminis – Est stétiu publicau de sa Provìntia de Terranòa-Tèmpiu “Cumpartu cincu – Ambienti e sustenibilidadi” su bandu de gara po s’esecutzioni de is traballus  po “Ponni a postu Sistema Lagu Coghinas – Cumprimentu de transida po fai a torrai a Artziai de is Anguiddas”. S’amadurat duncas s’apíliu, nudriau po 40 annus de is aministradoris de Tula, Belchidda, Oscheri e Utieri e de is piscadoris, de is isportivus e de is amantis, de fai torrai a is anguiddas indìgenas in su Lagu Coghinas e in is diversus arrius. Innoni difatis is anguiddas biviant numerosas primu de sa travedda de su Muzzone. Sighi a ligi ‘Sa torrada de is anguiddas indìgenas in su Coghinas’

“Satu po imparai”: unu progetu chi avalorat sa cultura rurali de su Campidanu de Mes

(IlMinuto) – Casteddu, 4 de su mesi de ledàminis – Cenàbara 5 de su mesi de ledàminis a cumentzai de is 9.30 in pratza Casteddu e in su “Montegranatico” de Seddori at a acabai su progetu “Satu po imparai”. Sa proposta de annestru alimentari e ambientali dedicada a sa ‘ruralita’ de s’Agentzia Laore Sardigna, de s’Assessorau de sa Pública Istrutzioni de sa Provìntzia de su Campidanu de Mesu e de su Serbítziu Sian de sa Asl de Seddori. Sighi a ligi ‘“Satu po imparai”: unu progetu chi avalorat sa cultura rurali de su Campidanu de Mes’

Atopus de AFFRICA cun Leena Ben Mhenni

(IlMinuto) – Casteddu, 4 de su mesi de ledàminis – S’at a agatai in Casteddu s’11 de su mesi de ledàminis, cumbidada po sa manifestada atóbius de AFFRICA. Est intre is protagonistas de sa batalla contra a Ben Ali e autora de Tunisian girl: Sa rivolutzioni castiada de unu blog, unu de is logus virtualis prus bisitaus a s’epoca de sa rivolutzioni tunisina (nova de AFFRICA). Su nòmini suu est Leena Ben Mhenni e no at balu fatu trinta annus. Sighi a ligi ‘Atopus de AFFRICA cun Leena Ben Mhenni’