> 05 « mes’e ledàminis « 2012 « ilMinuto – notizie Mediterranee – edizione Sardegna

Archíviu de sa diri 5/10/2012

Si fueddat de língua sarda in Tàtari cun “Istudiare in sardu: a si podet faghere?”

(IlMinuto) – Casteddu, 5 de su mesi de ledàminis – Lompit a sa fini “Su Sardu in Tres Paràulas”, sa faina culturali càrriga meda sboddiada po avalorai sa língua sarda aprontada e nàscia de una bidea de s’assótziu de is istudiantis Su Majolu. Su 12 de su mesi de ledàminis chi benit a is 16.30, difatis, in s’àula Umanistica de s’ex Facoltadi de Líteras in arruga Zanfarino 62 in Tàtari, s’assótziu at a serrai cun s’atopu “Istudiare in sardu: a si podet faghere?”. Sighi a ligi ‘Si fueddat de língua sarda in Tàtari cun “Istudiare in sardu: a si podet faghere?”’

Sa Pratza de sa Solidariedadi de Casteddu in difesa de is diritus de is Rom

(IlMinuto) – Casteddu, 5 de su mesi de ledàminis – Casteddu torrat cun s’atopu suu cun sa Pratza de sa Solidariedadi chi s’at a sboddiai domínigu 7 de su mesi de ledàminis de is 9.30 a is 13.00 in pratza Santu Cosomo, e po su mesi de ledàminis at essi dedicada a su pópulu Rom. Funt medas is assótzius chi ddoi ant essi cun is banchixeddus insoru, totus unius de un’únicu impignu: s’apellu a sa responsabilidadi”. “Sa Pratza de sa Solidariedadi de su mesi de ledàminis – si ligit in d-una nota de imprenta – bisat unu mundu innoia is diritus de is comunidadis prus débilis, chi bivint in is periferias, no bengant isbaratzadas e is personis no siant tratadas comenti imboddiàminis postalis de trantziri comenti mellus ddis praxit fatuvatu in acorrus transitorius de apretu”. Sighi a ligi ‘Sa Pratza de sa Solidariedadi de Casteddu in difesa de is diritus de is Rom’

S’impulsu forti de sa Consulta Rivolutzionària. Atopus benientis

(IlMinuto) – Casteddu, 5 de su mesi de ledàminis – No si frimat su traballu de sa Consulta Rivolutzionària. A pustis de Tramatza e Utieri ant essi Teulada su 6 de su mesi de ledàminis a is 19.00 in su Palatzeddu de s’isport, Silìcua s’8 in su “Montegranatico” a is 19.00, Pòrtu Turre su 9 in sa saba Filippo Canu in cursu Vitoriu Manueli a is 18.30, Lanusèi su 12 a is 10.30 in s’ititutu Enaip e in Ulìana a is 10.30 in s’auditorium de is iscolas médias is logus chi ant a aghilliri a is assembreas benientis. A pustis de ai firmau in Utieri su primu ordiminzu de puntus cundividius, zeurra de unu traballu chi at a cresci sèmpiri de prus e chi s’at a isvilupai e s’at a aprontai mellus in is atopus chi benint, is assembreas ordingiadas de sa Consulta ant a aghilliri a totus is fortzas netzessàrias po sa manifestada manna de su Pópulu sardu chi a intre de pagus tempus at a lompi in Casteddu pedendu is dimmissionis prontas de totus is consilleris regionalis, siat de majoria ca de opositzioni. “A sa destrossa fata de su colonialismu italianu – comentat in d-una nota de imprenta a Manca pro s’Indipendentzia – e de is paraímpius, sa Consulta arraspundit cun d-unus cantu de puntus istratégicus chi depint essi aplicaus debressi”. Sighi a ligi ‘S’impulsu forti de sa Consulta Rivolutzionària. Atopus benientis’

In Santu Sperau una Diri dedicada a is mortis in su traballu

(IlMinuto) – Casteddu, 5 de su mesi de ledàminis – S’at a sboddiai in is aposentus de su museu de su Cruu de Santu Sperau sa diri dedicada a is mortis in su taballu aprontada de s’assótziu culturali 2000 [R]esistenze. S’avenimentu, chi at tenni comenti obietivu su de chistionai asuba de is mortis in is logus de su traballu at a presentai unu reading literàriu cun Giuseppe Murtas e Rossella Fanni. S’acumpangiamentu musicali at essi totu aprontau de Francesco “Fry” Moneti de is “Modena City Rambles” e de Luca Lanzi de is “Casa del Vento”. Intre unu pàsiu e s’àteru at essi possíbili pigai parti a sa chistionada asuba de su tema de sa diri. Sighi a ligi ‘In Santu Sperau una Diri dedicada a is mortis in su traballu’

Crisi: Fortza Paris “Su Consillu regionali torrit a is sardus su dinai insoru”

(IlMinuto) – Casteddu, 5 de su mesi de ledàminis – A faci de sa crisi chi ferrit a sa Sardigna e a faci de is solutzionis progetualis chi no ddoi funt stétias de parti de sa classi política chi dda guvernat, “Is taglius sighius de is trasferimentus de s’Istadu a sa Regioni e de custa a is Comunus, frimant – si ligit in d-una nota de imprenta de Fortza Paris – is investimentus ‘infrastrutturali’ e sa fornidura de serbítzius sustantzialis”. Una política, sa sarda, chi no renuntziat a is privilégius e chi bit a sa Sardigna in su segundu postu in Itàlia po sa suma de is indenidadis pigadas de is Consilleris regionalis. Sighi a ligi ‘Crisi: Fortza Paris “Su Consillu regionali torrit a is sardus su dinai insoru”’