> 2012 mes’e ledàminis 08 | ilMinuto

Archíviu de sa diri 8/10/2012

“S’Iscola Nostra no est in Béndida”. Manifestada de is istudiantis in Aristanis

(IlMinuto) – Casteddu, 8 de su mesi de ledàminis – No si faint intimorigiai de is aciocus patius cida passada de is cullegas de istúdiu is istudiantis de Aristanis, ca prus arrabiaus de primu, cenàbara 12 de su mesi de ledàminis ant portai in pratza su discumbéniu insoru. S’atopu est in pratza Roma a is 9.30. ”Eus a cabai in pratza po si ndi torrai a pigai totu cussu chi s’ant negau, po si ndi torrai a pigai su diritu a essi tzitadinus ativus, a podi sceberai a solus aundi ita istudiai chentza de si depi afidai a sa marolla a is famílias nostras, po si ndi torrai a pigai is iscolas nostras oràmai in is manus de is privaus, po segai is cadenas chi si distinant a unu tempus benidori dudosu e precàriu”. Est s’abóxinu de dabori firmau de su Colletivu de is Istudiantis Antoni Gramsci de Aristanis, ca aderit a sa manifestada natzionali promòvia de s’Unioni de is Istudiantis fadendusì aprontadori de sa manifestada chi at a animai sa tzitadi de is Arborea. Est unu corpu malu, su patiu de s’iscola pública, chi in su tempus benidori suu no bit scéti su proliferai de tàglius nous impostus de sa spending review. Comenti acrarant is istudiantis in d-una nota de imprenta, difatis -”est stétia torrada a propòniri sa lei 953, s’ex Pdl Aprea, chi decretat s’intrada de is privaus in is iscolas, apocat a is rapresentàntzias de is istudiantis e sa partecipatzioni e insertat is critérius batacollaus meda invalsi comenti mesura de avaloramentu po su stistema iscola, po is istudiantis e is maistus”. Sighi a ligi ‘“S’Iscola Nostra no est in Béndida”. Manifestada de is istudiantis in Aristanis’

Ai liau su “sostegno” lesiat is diritus de is istudiantis disàbilis

(IlMinuto) – Casteddu, 8 de su mesi de ledàminis – “Ai liau càtredas noas de ‘sostegno’ a is maistus de rolu ispecialitzaus de parti de s’Ofítziu Iscolàsticu Provintziali de Casteddu arriscat de tenni arretumbus mannus no scéti asuba de is maistus ma prusatotu apitzus de is istudiantis disàbilis”. Est cantu afirmat in d-una nota de imprenta Maria Grazia Caligaris, presidenti de s’assótziu Sotzialismu Diritus Reformas, agoa de essi stétia informada de diversus interessaus ca funt stétius fatas a is Ofítzius cumpetentis una fibera de denúntzias individualis chi at a acabai cun d-unu recursu colletivu a su Tribunali Aministrativu Regionali po no ai arrespetau is critérius po is disponibilidadis noas. Is critérius impitaus po cuncodrai is postus de “sostegno aggiuntivi” e is in “deroga” ant torrau a ponni in giogu s’orgànicu e duncas is assignamentus de is càtredas. Sighi a ligi ‘Ai liau su “sostegno” lesiat is diritus de is istudiantis disàbilis’

Censimentu 2011: fua fitiana de Casteddu. S’anàlisi de s’Usb

(IlMinuto) – Casteddu, 8 de su mesi de ledàminis – In su decenniu 2001-2011 Casteddu at pérdiu 12.858 abitantis: casi su 9 po centu de sa genti. Est cantu bessit a pillu de is datus de su Censimentu 2011. Is númerus funt stétius aforaus de su Comunu chentza abetai is aberguadas finalis de s’Istat, ma permitint comentisiollat de afirmai cun seguresa ca in tzitadi ddoi istaint pagu prus de 150mila personis (contra a is 183mila de su 1991 e a is 164mila de su 2001). “Casteddu – cumentat s’Usb in d-un’istúdiu - diventat una tzitadi sèmpiri prus cara, e sa crisi de su traballu e sa carestia de is domus istresiant sèmpiri de prus a sa genti abia de is biddas de su circondàriu. Est una tzitadi morta, chi no donat aficus de tempus benidori […]“. “Ligendi cun atetzioni – afirmat su sindacau de basi – si cunfirmat ca sa crisi atravessat in prenu a su territóriu de Casteddu, sendu un’ecunumia acapiada po su prus a su tertziàriu chi in custus annus est stétiu arruinau de is irminorigamentus fitianus […]. Sighi a ligi ‘Censimentu 2011: fua fitiana de Casteddu. S’anàlisi de s’Usb’

Nascit Meris: sa criadura noa de Doddore Meloni

(IlMinuto) – Casteddu, 8 de su mesi de ledàminis – In su mentris chi sa Consulta Rivolutzionària batit su territóriu de sa Sardigna sensibitzendi e acrarendi a is tzitadinus is cunditzioni grais chi ferrint a s’ísula fadendi propostas a su pópulu atressu de una piataforma istruturada po mudai su tempus benidori de su territóriu, in Sardigna nascit un’organizatzioni indipendentista noa: Meris. Sighi a ligi ‘Nascit Meris: sa criadura noa de Doddore Meloni’

In Nùgoro “Conceptual”, sa mostra de Irina Stoyanova

(IlMinuto) – Casteddu, 8 de su mesi de ledàminis – Est stétia inaugurada gióbia passada in Nùgoro in is aposentus de s’arburada Sardigna “Conceptual”, sa mostra de arti de Irina Stoyanova, ordingiada de s’assótziu culturali “Nuovo Trittico”. “Tzitadina de su mundu”, comenti amat a si definiri, inamorada de is artis visivas fintzas de candu furiat pipia, Irina Stoyanova si dedicat a una circa artística fitiana castiendi “cun interessu ispeciali a su collage atressu de una ténnica amesturada, pintura ’acrilica’, pintura ollu e arroba”. Prusaprestu sa cratividadi sua no si firmat. Sighi a ligi ‘In Nùgoro “Conceptual”, sa mostra de Irina Stoyanova’