> 2012 mes’e ledàminis 09 | ilMinuto

Archíviu de sa diri 9/10/2012

A Manca pro s’indipenpedentzia versus Monti in difesa de su Km zeru

(IlMinuto) – Casteddu, 9 de su mesi de ledàminis – S’avaloramentu de tzircúitus de su logu atressu de arretzas curtzas, arretzas naturalis, arretzas agro-energeticas po s’organizatzioni noa de sa distributzioni e de su cumérciu de is prodotus est oi útili po unu consumu atuau chi agiudat su produsidori e su consumadori. Seus duncas a petus de unu diàlogu de importu mannu intre consumadoris e messajus chi torrendi a promovi unu modellu istérriu de colturas chi cumbenint de prus e chi funt de calidadi favoressit is tzircúitus de consumu de su logu, donendusì de fai no scéti in is restorantis traditzionalis, ma in sa restoratzioni colletiva puru. Est in difesa de su Km zeru e de su mercau agroalimentari sardu ca a Manca pro s’Indipendetzia, cun d-unu documentu longu e analìticu denuntziat su traballu de Mario Monti: ”Mario Monti, su Presidenti de su Consillu de is Ministrus italianu [...] at presentau recursu in Cassatzioni a scàpitu de sa messarítzia a Km 0. Sighi a ligi ‘A Manca pro s’indipenpedentzia versus Monti in difesa de su Km zeru’

“S’Istàniu de Caputerra in su degradu”. Sa denúntzia de Gig e Amigus de Terra

(IlMinuto) – Casteddu, 9 de su mesi de ledàminis – Su 4 de su mesi de ledàminis passau su Grupu de interventu Giurídicu e is amigus de sa Terra ant presentau a sa Comissioni Europea, a su Ministeru de s’ambienti, a su Serbítziu regionali costoimentu de sa natura, a su Comunu de Casteddu e, po is eventualis cumpeténtzias, a sa Procura de sa Repúbrica de su Tribunali de Casteddu, un’ispecifica dimanda de scedas asuba de s’ambienti, acapiendi s’impitu de is interventus adatus po sa bunífica ambientali de is muntronaxus abusivus, po su monitoràgiu de is cunditzionis ambientalis e po su restoramentu e po su pómpiu asuba de su tretixeddu úmidu lamau Istàniu de Caputerra. S’Istàniu in chistioni rapresentat un’area de interessu ambientali chi s’agatat in territóriu de Casteddu, est manna scéti 70 étarus i est de importu po bedutzu, fera e ambienti. Sighi a ligi ‘“S’Istàniu de Caputerra in su degradu”. Sa denúntzia de Gig e Amigus de Terra’

“1514. Is nuis no si firmant”. Sa lota de su pópulu Sahrawi in “Atóbius de Affrica”

(IlMinuto) – Casteddu, 9 de su mesi de ledàminis – Sa lota de is Sahrawi po s’indipendéntzia. At essi custu su tema de s’atóbiu in programa sàbudu 13 de su mesi de ledàminis in Casteddu (18.30 – Hostel Marina) po sa rassegna “Atóbius de Affrica”. S’atopu – aprontau de sa redatzioni de su giassu Affrica.org – s’at a oberri cun sa proietzioni de su documentàriu asuba de sa chistioni Sahrawi “1514. Is nuis no si firmant” de Carlotta Piccinini. Sighi a ligi ‘“1514. Is nuis no si firmant”. Sa lota de su pópulu Sahrawi in “Atóbius de Affrica”’

In Baulàu “Serra sa Serra Libera sa Terra” po nai ca no a s’impianti fotovoltaicu de Narabuja

(IlMinuto) – Casteddu, 9 de su mesi de ledàminis – S’at a isboddiai sàbudu 13 e domínigu 14 de su mesi de ledàminis in s’anfiteatru de Baulàu sa proposta ”Serra sa Serra Libera sa Terra”. Duas diris chi tenint s’iscopu de sensibilitzai asuba de su tema de is serras fotovoltaicas de Narabuja e chi tenit comenti obietivu su de arregolli dinai po agiudai de is ispesas legalis chi su Comitau S’Arrieddu po Narabuja e is assótzius, Itàlia Nostra e Adiconsum, po opugnai su cumprimentu de s’impiantu mannu meda. Is aprontadoris pretzisant difatis cun d-una nota de imprenta ca “s’impiantu de Narabuja est aici mannu de fai unu dannu grai s’ambienti, a su paisàgiu, a s’ecunumia e a sa sotziedadi”. In progetu ”27 mW fatus de 107.000 ‘pannelli’ postus asuba de 1614 serras de 200 mq donniuna”. Sighi a ligi ‘In Baulàu “Serra sa Serra Libera sa Terra” po nai ca no a s’impianti fotovoltaicu de Narabuja’

Su Gulch aprontat s’editzioni 2012 de su Linux Day

(IlMinuto) – Casteddu, 9 de su mesi de ledàminis – Su Gulch, Grupu Utentis Linux Casteddu aprontat s’editzioni 2012 de su Linux Day, chi s’at a isboddiai su 27 de su mesi de ledàminis a cumentzai de is 9.00 in is aposentus de su Dipartimentu de Ingigneria Eletrónica de s’Universidadi de is Istúdius de Casteddu. Tres is línias-ghia de s’avenimentu: “Benebéniu in Linux”, dedicau a is utentis nous, “Linux a traballu: azienda, iscola, circa, P.A.”, po is chi bolint profundai temas ispecificus e po is amantis, “Advanced Linux”, po chini ndi scit  de prus. Sighi a ligi ‘Su Gulch aprontat s’editzioni 2012 de su Linux Day’