> 2012 mes’e ledàminis 10 | ilMinuto

Archíviu de sa diri 10/10/2012

Zonas úmidas: su Consillu Regionali aprovat una norma chi amenguat is mesuras de amparu

(IlMinuto) – Casteddu, 10 de su mesi de ledàminis – Opugnat cun is normas de su códixi de su paisagiu sa lei chi su Consillu regionali de sa Sardigna at aprovau su 4 de su mesi de ledàminis passau cun 43 votus de sa majoria in faori. Su provedimentu tenit s’iscopu de amenguai a is mesuras de amparu ingíriu a totus is zonas úmidas. Su disignu de lei regionali presentau su mesi de làmpadas passau parrit ignorai a sa senténtzia de su Consillu de Istadu – sez. IV, 16 de su mesi de arbili de su 2012, n. 2188 – . In pagus fueddus, su Consillu de Istadu at ordinau ca su tretu de salvaguàrdia generali de is 300 metrus si depit istèrriri a totus is zonas úmidas puru, duncas totus is interventus propostus in custu campu depint essi sotimitius a permissu “paesaggistica”. Sa Giunta afirmat ca custa norma noa est netzessòria po salvai is fàbricus fatus in is orus de is istànius, lagunas e salinas. Sighi a ligi ‘Zonas úmidas: su Consillu Regionali aprovat una norma chi amenguat is mesuras de amparu’

In Serrenti s’istúdiu “Féminas, traballu e família in sa Provìntzia de su Campidanu de Mesu”

(IlMinuto) – Casteddu, 10 de su mesi de ledàminis – “Féminas, traballu e família in sa Provìntzia de su Campidanu de Mesu”. Est custu su títulu de s’istúdiu fatu de is istudiosas de s’Universidadi de Casteddu Maria Letizia Pruna e Sabrina Perra, chi at essi presentau in Teratru comunali de Serrenti cenàbara 12 de su mesi de ledàminis a is 16.00. S’avenimentu est cuncordau de s’assessorau a su Traballu e de s’Ofítziu de sa Consillera de Paridadi de sa Provìntzia de su Campidanu de Mesu cun s’agiudu de su Comunu de Serrenti. “Féminas, traballu e família in sa Provìntzia de su Campidanu de Mesu” – si ligit in d-una nota de imprenta – “est un’istrumentu de anàlisi e conoscéntzia de s’organizatzioni sótziu-económicu de su territóriu e de is andametus intre is mascus e is féminas”. Seus ananti de su primu traballu de anàlisi issentífica de sa situatzioni de su Campidanu de Mesu. Sighi a ligi ‘In Serrenti s’istúdiu “Féminas, traballu e família in sa Provìntzia de su Campidanu de Mesu”’

In Neunele unu cursu po fai cofas de arbutzu

(IlMinuto) – Casteddu, 10 de su mesi de ledàminis – S’at a isboddiai in su comunu de Neunele, de su 7 de su mesi de totussantus a su 5 de su mesi de paschixèdda chi benint, su cursu po fai cofas de arbutzu aprontau de s’Agentzia Laore – Portellitu únicu territoriali de Bilàrtzi po su territóriu de su Guilcer-Barigadu. Su cursu – si ligit in sa nota de imprenta – “est incluiu in is fainas de is ‘Mestieris Antigus’ i est indiritzau a is imprenditoris agriculus, a chini fait parti de sa família agricula, a is operadoris de agriturismu o de fatorias didàticas e a is giòvanus disimperaus de su territóriu. Su cursu tenit binti postus in totu. Sighi a ligi ‘In Neunele unu cursu po fai cofas de arbutzu’

Cumentzat su cursu de arabu aprontau de s’Assótziu Amigàntzia Sardigna-Palestina

(IlMinuto) – Casteddu, 10 de su mesi de ledàminis – A cumentzai de cras 11 de su mesi de ledàminis, s’Assótziu Amigàntzia Sardigna-Palestina at a aprontai unu cursu elementari de arabu. S’atopu est po is 20.00 in sa domu casteddaia de s’assótziu , in arruga Montesanto 28. At essi Marco Ammar, espertu de língua araba de s’Universidadi de is Istúdius de Casteddu, a presentai su programa de is letzionis. Sighi a ligi ‘Cumentzat su cursu de arabu aprontau de s’Assótziu Amigàntzia Sardigna-Palestina’

“Sighi Singin’”. Domínigu in Pattiòlla atopu cun sa música de Rossella Faa

(IlMinuto) – Casteddu, 10 de su mesi de ledàminis – Is féminas e is timórias insoru. Est custu su tema chi fait de ghia a is cantzonis “Sighi Singin’” s’úrtimu líburu-cd de Rossella Faa, chi at essi presentau domínigu 14 de su mesi de ledàminis in Pattiòlla (18.00, Logu Spazio Snack Bar). “Sighi singin’”(2011) sighit su traballu de amisturus de istilis musicalis cumentzau in su 2008 cun “Baa-Bà”, fortuna manna chi at fintzas a imoi bendiu 3milla copias e prus in totu s’ísula. Sighi a ligi ‘“Sighi Singin’”. Domínigu in Pattiòlla atopu cun sa música de Rossella Faa’