> 2012 mes’e ledàminis 11 | ilMinuto

Archíviu de sa diri 11/10/2012

De s’Itàlia taglius nous po sa Sardigna. Zuncheddu SardignaLibera: “funt un’arréula po nos sardus”

(IlMinuto) – Casteddu 11 de su mesi de ledàminis – Dinai liau asuba de dinai liau. Est custa sa política prevìdia de sa lei de assentu de su Guvernu Monti. Mancai s’autonomia, sa lei no lassat imuni a sa Sardigna, chi atacada de su Guvernu ténnicu torrat agoa. Un’assurdidadi bella e bona sa chi oi s’agatat a bivi su pópulu sardu: giai acradoris de s’Istadu italianu, is Sardus si bint arrancai àteras risorsas gràtzias a àterus taglius finantziòrius. Asuba de sa chistioni fueddat cun d-una nota de imprenta sa consillera indipendentista de SardignaLibera Claudia Zuncheddu, narendi ca sa “Manuvra Monti cuat sa boluntadi, giai espressada de su guvernu Berlusconi, de liai calisisiat tipu de Ispetzialidadi e Autonomia regionali, chi pertocat is cumpeténtzias primàrias de is Regionis Autónomas”. Sa crisi económica italiana angariat difatis a s’autonomia de s’ísula. Sighi a ligi ‘De s’Itàlia taglius nous po sa Sardigna. Zuncheddu SardignaLibera: “funt un’arréula po nos sardus”’

In Monti Claro TrasformAzionis: unu laboratoriu po fueddai de Casteddu

(IlMinuto) – Casteddu 11 de su mesi de ledàminis – At essi sa saba “Polifunzionale” de su Parcu de Monti Claro de Casteddu a acasagiai “TrasformAzionis - Mudai in sa tzitadi chi mudat”. S’atopu est po sàbudu 13 e domínigu 14 de su mesi de ledàminis de is 9.30 a is 19.30. Su laboratoriu interculturali ordingiau de s’Assótziu Terra Onlus cun s’agiudu de sa Coperativa Sa Caravana s’insertat aintru de su progetu Baobab, finantziau de sa Regioni Sardigna-Diretzioni Generali de sa Pública Istrutzioni. Su laboratoriu TrasformAzionis previdit su trisinamentu ativu de is personis, cun is calis – si ligit in d-una nota de imprenta – “S’ant a isperimentai sistemas de sceberu po s’amaistramentu apitzus de su tema de s’imigratzioni, asuba de is pregiuditzius e apitzus de is raportus Merdioni/Tramuntana de su mundu”. Sighi a ligi ‘In Monti Claro TrasformAzionis: unu laboratoriu po fueddai de Casteddu’

Aristanis: In su Teatru garau ispetàculu po cumbàtiri a s’”Atassia di Friedreich”

(IlMinuto) – Casteddu 11 de su mesi de ledàminis – Si lamat “Friedreich Orchestra” s’ispetàculu musicali chi at a andai in iscena su 20 de su mesi de ledàminis a is 21.00 in su Teatru Garau de Aristanis. S’avenimentu, aprontau de su Comitau Rudi Onlus Gofar, tenit s’obietivu – si ligit in d-una nota de imprenta – tenit s’iscopu de agiudai a “sa circa po binciri a s’”Atassia di Friedreich”, maladia genetica chi arrimat e chi impedit progressivamenti su movimentu po su prus in is pipius e in is giovuneddus”. Sighi a ligi ‘Aristanis: In su Teatru garau ispetàculu po cumbàtiri a s’”Atassia di Friedreich”’

“S’Istadu Itàlianu est su primu rebuseri”. In Casteddu manifestada po is permissus de tratenimentu

(IlMinuto) – Casteddu 11 de su mesi de ledàminis – Casteddu torrat in pratza contra a su ratzismu. Lúnis 15 de su mesi de ledàminis sa capitali de sa Sardigna at essi difatis protagonista de una manifestada, cun atopu in pratza de su Cramu a is 15.30, po nai ca nou a is rebuserias asuba de is permissus de tratenimentu, a is aciocus e a su ratzismu, po tzerriai impari “nisciunu est cuau” e po pretèndiri diritus, dignidadi e citadinàntzia po is furesteris. Sa protesta nascit de s’insustenìbili data, su 15 de su mesi de ledàminis, fissada po sa santoria asuba de is permissus de tratenimentu. Un’iscadéntzia cun preguntas impossíbilis de apagnai in pagu tempus. Boleus – afirmant is aprontadoris de sa manifestada – “chi siat torrada a oberri s’iscadéntzia cun cunditzionis prus giuditziosas po fai otèniri a totus is furesteris is documentus de tratenimentu”. Sighi a ligi ‘“S’Istadu Itàlianu est su primu rebuseri”. In Casteddu manifestada po is permissus de tratenimentu’

Arretzas curtzas: in Casteddu “Soberania Alimentare, dae sa teoria a sa pràtica”

(IlMinuto) – Casteddu 11 de su mesi de ledàminis – S’at a isboddiai oi a is 19.30 in arruga Tempiu 22 in Casteddu s’avenimentu “Soberania Alimentare, dae sa teoria a sa pràtica”. Sa proposta, aprontada de ProgReS Progetu Repùblica Casteddu, tenit s’iscopu de fundai unu grupu de consumadoris de su logu cun domu in Casteddu. S’atopu at a biri unu cunfrontu intre diversus professioneris de su cumpartu alimentari: Roberto Carboni, rapresentanti de Sardigna Filieracorta; Roberto Spano de Mds Sardigna; Bobore Bussa, imprenditori agriculu e responsàbili natzionali de s’organizatzioni indipendentista ProgRes. Sighi a ligi ‘Arretzas curtzas: in Casteddu “Soberania Alimentare, dae sa teoria a sa pràtica”’