> 15 « mes’e ledàminis « 2012 « ilMinuto – notizie Mediterranee – edizione Sardegna

Archíviu de sa diri 15/10/2012

Su tempus benidori de is maistus de 18 a 24 oras. Usb Sardigna: “su mundu de s’iscola depit truncai a su ‘Patto di Stabilità’”

(IlMinuto) – Casteddu, 15 de su mesi de ledàminis – Un’aumentu de is oras de letzioni de 18 a 24 est su càrrigu determinau de su ‘Patto di Stabilità’ chi ferrit a is maistus de rolu, ponendi in pirígulu 30mila postus de traballu e prus. Unu ‘patto di stabilità’ su bófiu de su Gvernu Monti, chi est – afirmat cun d-una nota de imprenta s’Usb Sardigna – “un’àtera òpera de iscontróriu arbitràriu in is cunfrontus de is traballadoris e de is cumpartus prus débilis poita infrutuosus”. Un’àtera borta aici est s’iscola a pagai unu prétziu mannu. Totu custu agoa de essi stétia “giai truncada – pretzisat su sindacau de basi – de annus de taglius e reformas, trastocadas sighendu duus cursus: su ideològicu faina berlusconiana atressu de s’aprou bipartisan’ de su decretu Aprea, chi minat a sa basi de is printzípius de democràtzia e de ugualidadi intre de is istitutus públicus e oberrit is iscolas a s’infrichimentu de is privaus po sighiri su modellu famosu de iscola-azienda privada, e su económicu, su prus usuali, atressu de irminorigamentus nous a su personali”. Sighi a ligi ‘Su tempus benidori de is maistus de 18 a 24 oras. Usb Sardigna: “su mundu de s’iscola depit truncai a su ‘Patto di Stabilità’”’

Presonis: presoneri de Isili “Comenti si fait a andai ainnantis aici?”

(IlMinuto) – Casteddu, 15 de su mesi de ledàminis – “Scriu de su presoni de Isili po denuntziai s’acontéssia grai innoia s’agatant is presoneris in custa istrutura po mori de is aposentus disadatus. Cun 12 cumpangius de cellas mius cundivideus un’aposentu de 48 metrus cuadrus, incluius is letus e sa mesa. Una situatzioni insoportàbili”. Funt custus is fueddus chi unu tzitadinu privau de sa libertadi scririt anoditzendi a s’assótziu Sotzialismu Diritus e Reformas sa cunditzioni in is calis funt custrintus a bivi is presoneris de su presoni de Isili. “Sigheus a andai ainnantis – sighit sa lítera – poita a turnu abarraus setzius asuba de is letus biu ca no ddoi at su logu po si movi. Lassendu stai su códomu iscassu po 13 personis. A su númeru mannu de cristianus in cella s’aciungit sa suspensioni de s’àcua a cumentzai de is 10 de su mangianu in custu modu medas no arrenescint nimancu a si fai sa dócia cun cusseguéntzias malas po sa coabitatzioni. No funt serbias a nudda is protestas chi eus fatu a is traballadoris de s’istrutura, issus puru difatis patit su discumbéniu chentza de podi agatai una solutzioni a is problemas”. Sighi a ligi ‘Presonis: presoneri de Isili “Comenti si fait a andai ainnantis aici?”’

(Italiano) Screening neonatale esteso contro le malattie metaboliche ereditarie

Sighi a ligi ‘(Italiano) Screening neonatale esteso contro le malattie metaboliche ereditarie’

Ping Pong A2: primu bitória po su Norghìddo

(IlMinuto) – Casteddu, 15 de su mesi de ledàminis – Bitória in terra de Sicilia po su Pin Pong Norghìddo in sa segundu diri de su campionau italianu de serie A2 maschili. Sàbudu 13 de su mesi de ledàminis s’iscuadra sarda at difatis bintu a is sicilianus de su Falcon Palermo po 4 partidas a 1. “Seus prexaus de ai bintu - cumentat s’allenadori Mauro Locci – prusatotu poita eus impitau sa conca. Sa Falcon cun  su tumpus s’at a fai biri de siguru. Sighi a ligi ‘Ping Pong A2: primu bitória po su Norghìddo’

In Bidda Matzràxa torrat sa “Sagra de is Obias”

(IlMinuto) – Casteddu, 15 de su mesi de ledàminis – In su Surcis Igresienti torrat sa “Sagra de is Obias”. A fai de guarnícia a s’avenimentu at essi s’olivàriu istóricu cun matas millenarias S’Ortu Mannu, munumentu naturali a prus o mancu tres chilómitrus de Bidda Matzràxa. Prevìdia po su 19, 20 e 21 de su mesi de ledàminis, sa Sagra de is Obias at fai atastai a is bisitadoris sa cosa de papai de su logu e ddis at a permiti de amirai a is diversas aparadas de s’artesanu tipicu. Sighi a ligi ‘In Bidda Matzràxa torrat sa “Sagra de is Obias”’