> 2012 mes’e ledàminis 19 | ilMinuto

Archíviu de sa diri 19/10/2012

Presonis: su presoneri no tenit diritu a impitai su tablet

(IlMinuto) – Casteddu, 19 de su mesi de ledàminis – “Unu tzitadinu privau de sa libertadi chi ndi fatzat dimanda podit impitai in cella unu computer ‘sterilitzau’, est a nai mudau casi a essi una màchina de iscriri, no unu tablet”. Est cantu denuntziat Maria Grazia Caligaris presidenti de s’assòtziu Sotzialismu Diritus Reformas, agoa de s’essi bia torrai s’ istrumentu informaticu arregalau a unu presoneri de is sotzius de Sdr, poita cunsiderau perigulosu. “Sa Diretzioni Generali de is Presoneris e de su Tratamentu – acrarat Caligaris – cun d-una nota at difatis acrarau ca su tablet est un’istrumentu chi tenit ‘dispositivi integrati’ in su sistema e duncas chi no si ndi podint liai”. Sighi a ligi ‘Presonis: su presoneri no tenit diritu a impitai su tablet’

Sankara po sa III editzioni de Alig’art

(IlMinuto) – Casteddu, 19 de su mesi de ledàminis – De oi torrat in Casteddu fintzas a su 27 de su mesi de ledàminis su Festival Alig’art, chi lompit ocannu a sa III editzioni sua. “Alig’art 2012 a su Modu de Sankara” est su títulu fatu de sa manifestada chi in custas diris dedicat is atopus suus a s’istatista Burkinabè Thomas Sankara, bociu in su 1987. Pernu de sa manifestada su pentzu, is atzionis e is arrexonus de Sankara. Su Festival, difatis – si ligit in d-una nota de imprenta – “at iscrucullai a su tema incolliosu de sa tramuda de unu sistema sotziali i económicu atressu de unu camninu chi tenit comenti iscopu sa lòmpida de una cuscéntzia crítiga e responsàbili atressu de s’arreconnoscimentu de s’arrichesa chi no si podit negai de su territóriu, de su corpus de conoscéntzias e de cognitzionis traditzionalis de sa [...] Sardigna, assotziada a su númeru bàsciu de sa genti chi ddoi bivit”. Sighi a ligi ‘Sankara po sa III editzioni de Alig’art’

In Marrùbiu nascit s’impiantu de distributzioni de àcua potàbili e gasada po is tzitadinus

(IlMinuto) – Casteddu, 19 de su mesi de ledàminis – Est ativu in Marrùbiu de lúnis 15 de su mesi de ledàminis, in pratza Amsicora, s’impiantu de distributzioni de àcua potàbili  gasada e naturali obertu a totus is tzitadinus residentis in sa bidda in provìntzia de Aristanis. Sa proposta de s’Aministratzioni comunali, tenit s’iscopu de agiudai a is famílias marrubiesas donendi a totus unu beni primaxu e netzessàriu comenti est s’àcua. “Eus calculau – si ligit in d-una nota de imprenta de su Comunu – ca dógnia família at a podi arresparmiai asumancu 500 eurus a s’annu”. Sighi a ligi ‘In Marrùbiu nascit s’impiantu de distributzioni de àcua potàbili e gasada po is tzitadinus’

In Bortigale unu cursu asuba de sa “filiera suinicola”

(IlMinuto) – Casteddu, 19 de su mesi de ledàminis – Unu cursu teóricu-pràtigu asuba de sa “filiera suinicola” promòviu de s’Agentzia Laore in su Comunu de Bortigale. Su caminu de imparu est po is agriturismus, is dominàrius didàticus e po is allevadoris. Is letzionis ant essi fatas apitzus de sa “zootecnia” e ant donai atentzioni meda a sa gestioni aziendali, sanitària, alimentari e tennologicus de su manixu e de su traballu de sa petza. Sighi a ligi ‘In Bortigale unu cursu asuba de sa “filiera suinicola”’

Documento: La crisi costituzionale e il processo di Indipendenza della Sardegna

Sighi a ligi ‘Documento: La crisi costituzionale e il processo di Indipendenza della Sardegna’