> 2012 mes’e ledàminis 22 | ilMinuto

Archíviu de sa diri 22/10/2012

Pópulu ainnantis : sighit sa martza de sa Consulta Rivolutzionària

(IlMinuto) – Casteddu, 22 de su mesi de ledàminis – Sa Consulta Rivolutzionària infervorat a su pópulu de is traballadoris sardus. Nàscia difatis comenti istrumentu de lota populari, s’organizatzioni bolit rapresentai a is milla e prus de milla traballadoris sardus unius de unu programa e de unu obietivu comunu: su de fundai un’area de cunfrontu, de adesioni e de participatzioni populari chi aceddat in Sardigna a totus is tzitadinus, a is movimentus e a is organizatzionis sotzialis e produtivas. In pagu fueddus po donai boxi a totus is sardus, poita onniunu potzat pigai parti cun is próprius propostas a fabricai una Sardigna noa, un’ísula chi castit a modellus nous de isvilupu chi remplasint a is disusaus chi ant portau a su pópulu sardu in s’isprofundu. “Sa Consulta – si ligit in pàgini facebook de su grupu – proponit de èssiri unu laboratoriu permanenti e giranteri chi favoressat s’arrexonu colletivu”. Sighi a ligi ‘Pópulu ainnantis : sighit sa martza de sa Consulta Rivolutzionària’

De su presoni de pratza Mannu a su de Massama: is discumbénius

(IlMinuto) – Casteddu, 22 de su mesi de ledàminis – “Is 120 presoneris de su presoni de Aristanis-Massama ant a depi abetai po podi fai is collóchius létzitus e po tenni s’atúliu prenu de is coxinas. S’incrichida bófia a sa marolla de su Ministeru de sa Giustítzia in su trasferimentu no at permitiu de organitzai a su mesullus is duus serbítzius”. Est cantu denuntziat Maria Grazia Caligaris, presidenti de s’assótziu Sotzialismu Diritus Refomas, agoa de essi bennia a conoscéntzia gràtzias a calincunu familiari de is inserraus in su presoni de Massama de is arragus tentus po fai is collóchius cun is parentis. Un’istrutura, sa chi at replasau a su presoni de pratza Mannu in Aristanis, progetada po 250 presoneris e inaugurada cun totu chi is traballus no siant stétius acabaus. Sighi a ligi ‘De su presoni de pratza Mannu a su de Massama: is discumbénius’

Su crancu fetianu de is traballadoris sardus: arribat su lissentziamentu Energit

(IlMinuto) – Casteddu, 22 de su mesi de ledàminis – Contiendas asuba de contiendas apitzus de sa chistioni de su traballu in Sardigna. Créntias chi perdint sànguini asuba de is pabas de is traballadoris de s’ísula, chi perdint su traballu insoru po mori de industrialis chi cun lebiesa declarant s’acabu de s’atividadi insoru. Est sa fini chi oi tragat a is traballadoris de sa Energit, sotziedadi ativa in su mercau líberu de s’energia elétrica fundada in Casteddu in su 2000 comenti multiutility e chi contat oindì 62 traballadoris. In su 2006 sa sotziedadi est stétia pigada de su grupu Alpiq (insaras Atel), importanti multinatzionali de s’energia cun domu in Isvitzera. In is primus mesis de su 2012 Alpiq at comunicau de bòliri serrai s’atividadi de Energit in Itàlia intru de su 31 de su mesi de paschixèdda de su 2012. Sighi a ligi ‘Su crancu fetianu de is traballadoris sardus: arribat su lissentziamentu Energit’

“In pratza in Casteddu po nai ca nono a su digógliu sotziali de su Guvernu coloniali”. Sinistra Critica Sarda a su No Monti Day

(IlMinuto) – Casteddu, 22 de su ledàminis – “Nai ca nono a su digógliu sotziali de su Guvernu coloniali e oligàrchicu de Mario Monti”. Cun custu obietivu Sinistra Critica Sarda pigat parti a su No Monti Day e a sa manifestada in programa su meigama de su 27 de su mesi de ledàminis in Casteddu. “Cun s’agiudu de sa dereta de tzentru e de sa manca de tzentru - si ligit in su comunicau de imprenta de s’organizatzioni anticapitalista e indipendentista – su Guvernu ghiau de Monti est acabendi cun d-una malesa e unu cìnismu chentza precedentis un’atacu a su welfare state, siddendi in su mantessi tempus is cadens de s’istadu ‘centralistico’ apitzus de sa Sardigna. Su Guvernu coloniali Monti negat difatis, cun s’introdutzioni de sa clausula de primatzia costitutzionali, dógnia aficu de soberania a su pópulu sardu”. “Una manuvra a tanalla – sighit sa nota – chi podit essi bullada scéti acapiendi sa denúntzia de is políticas chi disignant po sa Sardigna su rolu de colonia sempiterna de s’Istadu italianu  a s’unidadi populari de is lotas de is traballoris, de is istudiantis, de is disimperaus, de is precàrius”. Sighi a ligi ‘“In pratza in Casteddu po nai ca nono a su digógliu sotziali de su Guvernu coloniali”. Sinistra Critica Sarda a su No Monti Day’

“Atopus 2012″ in su macru de Gaber e Luporini

(IlMinuto) – Casteddu, 22 de su mesi de ledàminis – “Atopus” s’istóricu progetu firmau de su Teatru laboratoriu Alkestis, fait 20 annus. Po su 2012 sa manifestada, chi de diversas editzionis nascit cun s’agiudu de su Tzircu Calumet, s’oberrit a temas chi tenit importu mannu po su públicu. A pustis de su cunsidériu a figuras mannas de s’istória teatrali comenti is rapresentadas de Antonin Artaud, Fernando Arrabal, Samuel Beckett, Alejandro Jodorowski, “Atopus 2012″, est dedicau totu a su pentzu e s’òpera de Giorgio Gaber e Sandro Luporini. Iscopu de sa rassegna est difatis su de fai connosci su pentzu e sa faina teatrali de is duus artistas. Sighi a ligi ‘“Atopus 2012″ in su macru de Gaber e Luporini’