> 2012 mes’e ledàminis 25 | ilMinuto

Archíviu de sa diri 25/10/2012

Apellu contra a Bellomonte “Assortu poita su fatu no susistit”

(IlMinuto) – Casteddu, 25 de su mesi de ledàminis – Donai de Bruno Bellomonte a s’imaginariu colletivu una bidea giai frima de crupa, fabricada asuba de unu teorema chi, comenti amostat sa senténtzia de primu gradu pronuntziada de sa Corti de Assise de Roma in data 21 de su mesi de totussantus de su 2011, no at tentu nisciunu reprova cun sa realidadi. “Assortu poita su fatu no susistit”. Si netzessàriu eus a arripiti custa fórmula no una ma milla bortas. “Assortu poita su fatu no susistit”: Bruno Bellomonte est innotzenti. Ma poita su Procuradori de Roma bolit reformai sa senténtzia de primu gradu, aspriai is penas po totus is imputaus cundennendi is chi funt stétius assortus puru de s’acusa de “assótziu rebellu cun iscopu de terrorismu, volatzioni de sa lei asuba de is armas e detenimentu”? Po a Manca pro s’Indipendentzia, organizatzioni política de sa cali Bruno Bellomonte est dirigenti, s’intzimia est de si cicai in s’iscontróriu italianu, chi – afirmat in d-una nota de imprenta - ”est in cica de una senténtzia política po degollai a sa manca indipendentista sarda e indebilitai su protzessu inesoràbili e istóricu de sa mancebatzioni natzionali e sotziali de sa natzioni sarda”. Sighi a ligi ‘Apellu contra a Bellomonte “Assortu poita su fatu no susistit”’

Sistema de gestioni de su tràvigu linguìsticu: est controidu fueddai su sardu

(IlMinuto) – Casteddu, 25 de su mesi de ledàminis – Acontessit in Sardigna, aundi po su cunvegnu europeu asuba de is minorias linguìsticas chi s’at a isboddiai de su 26 a su 29 de su mesi de ledàminis in Orosèi, sa Lega de is Autonomias de sa língua italiana imponit a is reladoris sardus de no fueddai in sa própriu língua, benisì de relatai in italianu. Est cantu denuntziat su Comutadu pro sa limba sarda, chi protestat cun fortza contra a custa àtera discriminatzioni in is cunfrontus de sa língua de su pópulu sardu. Su Cunvegnu finatziau de s’Unioni Europea, “Chi at marcai sa tucada de su progetu ‘EuroNetLang-European network of language minorities’, chi promovit sa coperatzioni intre Comunus europeus asuba de su tema de is minorias linguìsticas, tucat mali e in manera assurda”. Difatis, “sa lega de is Autonomias amostat – si ligit in d-una nota firmada de su Comitadu – de no ai cumprendiu sa chistioni linguìstica de is minorias europeas e ofendit a is sardus cun d-un’impositzioni de sestu colonialista candu insistit a is reladoris sardus a s’espressai in língua italiana [...] cun s’iscusa de problemas de ‘interpretariato’”. Diversas is contestaduras fatas de is difensoris de sa língua sarda, chi afirmant ca in Sardigna ddoi funt intèrpretis de su sardu a is printzipalis línguas europeas. Prusaprestu, mancai is atus de difesa, sa lega de is Autonomias at a impòniri s’arrefudu suu betendi de su continendi is próprius intèrpretis. Sighi a ligi ‘Sistema de gestioni de su tràvigu linguìsticu: est controidu fueddai su sardu’

In tempus de crisi pigai parti est rivolutzionàriu. Assembrea e isciòpiru generali de su 7 de su mesi de totussantus

(IlMinuto) – Casteddu, 25 de su mesi de ledàminis – Sa Sardigna est in genugu. Contra a is bocidoris suus sa Confederatzioni Sindacali Sarda lamat po totu sa diri de su 7 de su mesi de totussantus chi benit un’isciòpiru generali de totus is zenias traballadoras de sa Sardigna siat públicaa ca privadas. “Custu isciòpiru – afirmat su Segretàriu Natzionali de sa Css Giacomo Meloni – serbit po denuntziai a su disacatu chi ferrit a totu sa Sardigna contra a sa disgana de is classis dirigentis, po su prus de sa classi política regionali surda a is apellus de su pópulu sardu chi no podit prus poderai annus de trascuràntzia e de aprofitu a dannu de is bisóngius, de su beni comunu e de is interessus de sa Sardigna”. In sa mantessi diri in bia Roma, a faci de su palatzu de sa Regioni, s’at a isboddiai un’assembrea manna de su pópulu Sardu aprontada de sa Consulta Rivolutzionària. In abetu de sa diri de protesta sighint in totu s’ísula is assembreas teritorialis. Sighi a ligi ‘In tempus de crisi pigai parti est rivolutzionàriu. Assembrea e isciòpiru generali de su 7 de su mesi de totussantus’

Si cicant seti féminas sardas e seti senegalesas po butega teatrali

(IlMinuto) – Casteddu, 25 de su mesi de ledàminis – Trubai a s’atopu e a su diàlogu intre is féminas sardas e is féminas senegalesas chi s’agatant in sa provìntzia de Casteddu. Est s’iscopu de sa butega teatrali e de iscàmbiu “interculturale di genere” S’agiudu Torrau aprontau de sa compagnia Sa Cometa de Viviana cun s’agiudu de s’Assótziu Genti de Mesu e cun s’apógiu de sa Comissioni Uguali Imbaga de sa Provìntzia de Casteddu. “S’obietivu – si ligit in d-una nota de is aprontadoris - est sa creatzioni de unu logu de atopu intre is féminas senegalesas chi s’agatant in Sardigna e is féminas sardas atressu de unu caminu teatrali chi avalorit is diferéntzias e s’iscàmbiu de is conoscéntzias”. Sighi a ligi ‘Si cicant seti féminas sardas e seti senegalesas po butega teatrali’

Lompit a sa 12a editzioni sa Mostra de su Líburu de Macumère

(IlMinuto) – Casteddu, 25 de su mesi de ledàminis – Cumentzat oi sa 12a editzioni de sa “Mostra de su Líburu de Macumère“. S’avenimentu, aprontau de sa Regioni Autónoma de sa Sardigna e de su Comunu de Macumère, cun su s’agiudu de sa Provìntzia de Nùgoro, de sa Camera de Cumértziu de Nùgoro, de su Gal de su Màrghine e de Giralangolo Líburus po Piciocus, at a essi inaugurada custu mangianu a is 10.30 in sa fiera aintru de is ex Casermas Mura e at a durai fintzas a su 28 de su mesi de ledàminis chi benit. Sa manifestada de líburus s’at a movi aintru de sa bidda. At essi difatis acasagiada in diversus logus de su comunu de Macumère. Sighi a ligi ‘Lompit a sa 12a editzioni sa Mostra de su Líburu de Macumère’