> 2012 mes’e ledàminis 26 | ilMinuto

Archíviu de sa diri 26/10/2012

S’istória de C.F. in presoni cun maladias grais

(IlMinuto) – Casteddu, 26 de su mesi de ledàminis – Si presentant comenti istórias de aministratzioni ordinària, innoia sa saludi e sa dignidadi de su tzitadinu privau de sa libertadi funt collocaus a s’úrtimu postu. Una de custas est s’acuntéssia chi ferrit a C.F., 74 annus postu ricoverau in su Tzentru Clinicu de su presoni de Buoncammino. Un’acontéssia chi no si podit poderai sa sua, malàdiu de Parkison e cun patologias intre is calis una “cardiopatia ischemica” po mori de tres puntoris a su “miocardio” e una timoria manna de s’inserru. Su presoneri, declarau incompatìbili a sa presonia de su Diretori Sanitàriu de su Policlinicu de Pauli su 14 de su mesi de martzu de su 2012, s’agat balu oi inserrau. A fai isciri de s’acuntéssia est sa Presidenti de s’assótziu Sotzialismu Diritus e Reformas Maria Grazia Caligaris, chi in d-una nota de imprenta iscririt: “Si fueddat de un’ómini chi tenit maladias grais” e “chi est abàtiu meda”. Un’ómini chi – sighit sa Caligaris – “no arrenescit a aguantai prus sa permanéntzia in cella”. Una cunditzioni, sa de F.C., chi apinicat a is sanitàrius, chi – “prus de una borta nd’at ordinau su ricoveru in ispidali innoia est abarrau puru chentza de iscorta”. Sighi a ligi ‘S’istória de C.F. in presoni cun maladias grais’

Da facebook un’apellu po salvai a is cuadeddus de sa Jara

(IlMinuto) – Casteddu, 26 de su mesi de ledàminis – Est partiu martis 23 de su mesi de ledàminis de su social network facebook s’apellu po salvai a is cuadeddus de sa Jara, chi no tenint prus nudda de bufai e de papai e chi funt morri morri po mori s’istagioni sighia de asciotura. “Is aministratzionis comunalis” de su territóriu - si ligit in sa nota fata connosci in su web – - “funt cichendi su dinai po pigai fenu e musúngiu”. Po arrexonis burocraticas s’at podi intervenni scéti intre de una dexinas de diris. S’interventu est perou apretosu, poita is cuaddeddus cumentzant a istuvonai su terrenu comenti faint is sirbonis in cica de cosa de papai. Po custa arrexoni, est inghitzada un’arregorta de alimentus po is cuadeddus: musúngiu, fenu e saina. In pagus oras s’apellu at cumentzau a sartiai intre de is utentis de su social network prus nomenau: “Chini podit/bolit cuncùrriri acoitu, podit cuntatai a Stefano Melis de sa coperativa ‘sa jara manna’”. Sighi a ligi ‘Da facebook un’apellu po salvai a is cuadeddus de sa Jara’

Sa Cartolina chi nci bogat a sa Saras

(IlMinuto) – Casteddu, 26 de su mesi de ledàminis – “Deu nau ca nono a su Progetu Lianora”. Est s’iscrita imprentada asuba de milli e prus milli cartolinas chi io e cras ant essi donadas in is aposentus de su Teatru de is Salesianus de Arborea, po sa proietzioni de is duus documentàrius “Oil” e Oil – segundu tempus” de su regista Massimiliano Mazzotta, chi s’ant a isboddiai a cumentzai de is 20.30. “Bia sa totali auséntzia de disponibilidadi a su cunfrontu públicu amostada de pagu prus de un’annu de sa sotziedadi milanesa” Saras spa  - si ligit in d-una nota de imprenta – “su Comitau Cívicu No a su Prgetu Lianora at determinau de imbiai su messàgiu inderetura a domu insoru: Galleria de Cristoforis 1, Milano. Sighi a ligi ‘Sa Cartolina chi nci bogat a sa Saras’

Sa vida longa de s’istagioni culturali de Serrenti

(IlMinuto) – Casteddu, 26 de su mesi de ledàminis – At essi Giuliana Musso cun “Sa Fàbrica de is praidis” a oberri s’istagioni 2012/2013 de su Teatru de Serrenti. Su cartelloni at essi arricu e obertu a diversas formas artísticas i espressivas. S’istagioni longa at a cumentzai difatis sàbudu 27 de su mesi de ledàminis e at a sighiri fintzas a su mesi de su mesi de fiàrgiu de su 2013 cun d-unu programa de prosa, dantza, música, teatru in língua sarda, teatru po pipius. “Is isceberus artísticus po custa istagioni noa – si ligit in d-una nota de imprenta – funt indiritzaus prusatotu a unu públicu giòvanu, cun d-unu cunsidériu prus mannu po su mundu de sa música”. Su programa de ispetàculus at essi arricau de unus cantu de avenimentus collaterali. Primu de totu ddoi at essi logu po is produtzionis teatralis e po is residéntzias artísticas – Natalia Jimenez, Sa Comenta de Viviana, ‘Controforma’ de is serrentesas Silvia e Marta Bellu – chi ant a donai s’aficu de un’integratzioni e de un’iscàmbiu intre is comunidadis serrentesas e is artistas aghillius. Sighi a ligi ‘Sa vida longa de s’istagioni culturali de Serrenti’

“Frimaus a Mario Monti”. Cras in Casteddu su corteu promòviu de su Csf

(IlMinuto) – Casteddu, 26 de su mesi de ledàminis – “Nci podis crei o no ma Mario Monti s’est aganghendi”. Comintzat cun custus fueddus su comunicau fatu connosci de su Casteddu social forum chi pròmoviri sa manifestada in programa in su meigama de cras 27 de su mesi de ledàminis. Unu corteu chi at a tucai de is 16.00 in pratza Costitutzioni po lompi asuta de is pórcius de su Consillu regionali in bia Roma, in Casteddu. A s’initziativa de su Csf ant decidiu de ndi pigai parti – donniuna cun su própriu pentzu – diversu assótzius e organizatzionis políticas chi funt contra a su Guvernu Monti. Sighi a ligi ‘“Frimaus a Mario Monti”. Cras in Casteddu su corteu promòviu de su Csf’