> Lompit in Sardigna sa campagna ambientalista “CircOLIamo” | ilMinuto

Lompit in Sardigna sa campagna ambientalista “CircOLIamo”

(IlMinuto) – Casteddu, 3 de su mesi de ledàminis – Est prevìdiu po oi s’arribu de sa campagna informativa “CircOLIamo”, nàscia de una bidea de su “Consorzio Obbligatorio degli Oli Usati”. De Terranoa a Casteddu, su tir publicitàriu de su Coou, at a tucai po unu viàgiu longu tochendi ses tzitadis isulanas. Su promotruck de su Coou s’at a frimai in is pratzas sardas de importu prus mannu po atopai a is piciocus de is iscolas, a is tzitadinus, a is media e a is istitutzionis cun s’iscopu de promòviri s’annestru ambientali e de fueddai de sa conoscéntzia de is pràtigas giustas de smartimentu de s’ollu ungidori impitau. Is temas de importu mannu pigaus cun is responsàbilis de su Cunsórtziu e de is autoridadis regionalis, provintzialis e comunalis ant essi is ungidoris “esausti”, is arriscus po s’ambienti, s’importu de su “riciclo” de is arrestus perigulosus e is bagas po s’ecunumia de su logu. “CircOLIamo” at essi presenti su 3 de su mesi de ledàminis in Terranoa, s’8 in S’Alighera, su 9 in Nùgoro, su 10 in Aristanis e s’11 in Casteddu.

© RIPRODUZIONE RISERVATA

0 Arrespustas a “Lompit in Sardigna sa campagna ambientalista “CircOLIamo””


Is cummentus funt serraus.