> S’istória de C.F. in presoni cun maladias grais | ilMinuto

S’istória de C.F. in presoni cun maladias grais

(IlMinuto) – Casteddu, 26 de su mesi de ledàminis – Si presentant comenti istórias de aministratzioni ordinària, innoia sa saludi e sa dignidadi de su tzitadinu privau de sa libertadi funt collocaus a s’úrtimu postu. Una de custas est s’acuntéssia chi ferrit a C.F., 74 annus postu ricoverau in su Tzentru Clinicu de su presoni de Buoncammino. Un’acontéssia chi no si podit poderai sa sua, malàdiu de Parkison e cun patologias intre is calis una “cardiopatia ischemica” po mori de tres puntoris a su “miocardio” e una timoria manna de s’inserru. Su presoneri, declarau incompatìbili a sa presonia de su Diretori Sanitàriu de su Policlinicu de Pauli su 14 de su mesi de martzu de su 2012, s’agat balu oi inserrau. A fai isciri de s’acuntéssia est sa Presidenti de s’assótziu Sotzialismu Diritus e Reformas Maria Grazia Caligaris, chi in d-una nota de imprenta iscririt: “Si fueddat de un’ómini chi tenit maladias grais” e “chi est abàtiu meda”. Un’ómini chi – sighit sa Caligaris – “no arrenescit a aguantai prus sa permanéntzia in cella”. Una cunditzioni, sa de F.C., chi apinicat a is sanitàrius, chi – “prus de una borta nd’at ordinau su ricoveru in ispidali innoia est abarrau puru chentza de iscorta”. Cun totu chi, a oi no est lómpia nisciuna arrespusta a is apellus po una solutzioni diversa de su presoni. ”Is maladias chi ferrint a babu miu – at iscritu su fillu Paolo chi si ddu bolit pigai in domu sua po ddu achistiri – bolint una cunditzioni de asséliu totali. S’ànsia e s’abatimentu ddi provocant un’aumentu de sa tremuina a su puntu de ddi fai arrui is ogetus de is manus. Sa sensibilidadi est isparessendi e tenit abisóngiu de curas psichiatricas e psicologicas. Belle e aici no si podit trascurai s’edadi e sa cura chi depit pigai dógnia diri”. ”S’acuntéssia de C.F. – concluit Caligaris – torrat a donai atentzioni a sa situatzioni de is antzianus aintru de is istruturas penitentziàrias e po su prus de is chi funt ricoveraus in su Tzentru ‘Diagnostico’ Terapeuticu. Seus fueddendi de presoneris chi abisongiant de atentzionis costantis e chi fatuvatu funt arrimaus. Su númeru mannu de personis chi s’agantant in is istruturas e su númeru iscassu de personali ocasionant situatzionis crítigas meda, chi s’iant podi irminorigai si, in auséntzia de familiaris chi si ndi pighint cura, s’iant a tenni residéntzias sanitàrias adatas. Personis in is cunditzionis sanitàrias de C.F. no tenint is fortzas de si fuiri”.

Fotografia de toon vb. Pigada de Flickr

© RIPRODUZIONE RISERVATA

0 Arrespustas a “S’istória de C.F. in presoni cun maladias grais”


Is cummentus funt serraus.