> 2012 mes’e totussantus | ilMinuto

Archìviu de mes'e totussantus 2012

Totus is númerus de sa crisi. Sa Povìntzia de Casteddu presentat su “Relatu 2011″

(IlMinuto) – Casteddu, 30 de su mesi de totussantus – Is efetus de sa crisi económica mundiali, no est una novidadi, sighint a si fai intendi in sa Provìntzia de Casteddu: in su 2011 sa punna complessiva de su mercau de su traballu est stétia difatis negativa comenti s’annu primu cun is lissentziamentus o is acabus de is cuntratus de traballu chi ant superau a is assuntzionis de 3.229 unidadis. Est scéti unu de is datus de su “Relatu 2011: su mercau de su traballu in sa Provìntzia de Casteddu atressu de is datus SIL Sardigna”: su documentu, fatu connosci in is diris passadas, presentat sa síntesi de s’andadura de su mercau de su traballu provintziali in s’annu passau, cunfirmendi sa situatzioni mala meda filla de crisi económica. Sighi a ligi ‘Totus is númerus de sa crisi. Sa Povìntzia de Casteddu presentat su “Relatu 2011″’

“Is istudiantis no funt sordadeddus”: in Aristanis sighit sa lota de is istudiant médius

(IlMinuto) – Casteddu, 30 de su mesi de totussantus – Lompit de su Colletivu de is istudiantis Antoni Gramsci su tzérriu de furriada destinau a is collegas de su Benedetto Croce e de su Mossa-Brunelleschi. Is piciocus de su Colletivu difatis, cumbidant a totus is istudiantis de su Litzeu Linguìsticu e de is Isciéntzias Umanas e is de s’Istitutu Ténnicu Comerciali e po Geometrus-Nauticu-Aeronauticu-Turismu-Sirio “a no pòniri menti a is tzircularis internas fatas connosci de is próprius dirigentis iscolasticus”. “Is documentus, iscritus in ‘burocratese’ e cun tonus ameletzosus – si ligit in d-una nota de imprenta – funt una dichiara política crara” Is giòvanus protagonistas de sa protesta in faori de s’iscola pública afirmant determinaus ca no est beru ca is istudiantis firmant a is fainas didàticas, e pretzisant ca chini no aderit a s’”autogestione” est líberu de sighiri is letzionis. Cun fortza is istudiantis afirmant de no bolli furriai is ruolus aintru de is iscolas e de no tenni nisciuna intentzioni de ndi liai s’arrespetu a is professoris, cun is calis, antzis, comenti acontessit giai in àterus istitutus, si bolit creai unu traballu mannu: “nos si boleus - pretzisant – ponni in d-unu ruolu ‘paritetico’ candu s’iscopu est fabricai, de protagonistas berus, s’iscola chi boleus”. A is Dirigentis su Colletivu Antoni Gramsci amentat ca s’artículu 4 coma 4 de su Istatuto de is Istudiantis narat: “In nisciunu casu podit essi punia, ni inderetura, ni in manera indireta, s’espressioni líbera de opinioni manifestada cun corretesa e chi no faii dannu a sa personalidadi de is àterus”, e po custu acrarant: “est netzessàriu amentai ca is santzionis no podint essi assignadas po sìisceberu líberu de pigai parti a una protesta. [...] “Impitai is santzionis comenti arma de castigamentu ponit làcanas a su sceberu líberu de is istudiantis comenti personis e tzitadinus e noxit a su printzipiu costitutzionali de su ‘pluralismo’ e de sa libertadi di espressioni”. Sighi a ligi ‘“Is istudiantis no funt sordadeddus”: in Aristanis sighit sa lota de is istudiant médius’

“Naramì ita preneta apa a tenni” de ariseru in su tzínema

(IlMinuto) – Casteddu, 30 de su mesi de totussantus – Est bessiu ariseru in is sabas sardas su film nou de Peter Marcias “Naramì ita preneta apa a tenni”, prodúsiu e distribuiu de sa Pablo Arcopinto. Su sugetu e su copioni de sa faina noa de su regista sardu funt stétius iscritus de Gianni Loy. Su tema, de impignu sotziali, est su de su respetu po is grupus de pipius e de giovuneddus prus disamparaus. Sighi a ligi ‘“Naramì ita preneta apa a tenni” de ariseru in su tzínema’

(Italiano) Documento: lettera dei lavoratori Coca Cola dello stabilimento di Elmas.

Sighi a ligi ‘(Italiano) Documento: lettera dei lavoratori Coca Cola dello stabilimento di Elmas.’

Atopus: oi in Tàtari un’atóbiu cun Emergency

(IlMinuto) – Casteddu, 30 de su mesi de totussantus – At essi su Saloni Mastino de sa Càmara de su Traballu Cgil in arruga Rockfeller in Tàtari a aghilliri a is 17.00 de oi s’atóbiu públicu e de acasàgiu po is volonteris e is sustenidoris nous de s’assótziu Emergency Tàtari, grupu ativu de su 2001 in sa tzitadi turritana e in sa provìntzia totu. S’atopu – acrarant is aprontadoris – “est destinau a totus is personis chi bolint pigai parti a is fainas de voluntariau de su grupu siat comenti simplis sustenidoris siat comenti militantis”. Unu merì innoia s’at a acrarai su “Programa Itàlia”, unu traballu nou chi previdit “poliambulatorius obertus in Palermo e Marghera po assegurai assistu sanitàriu a gratis a is furesteris, cun o chentza de permissu de tratenimentu, e a totus is chi ndi tenint abisóngiu, e duus ambulatórius mòbilis chi dongant assistu sanitàriu aundi serbit”. In s’atóbiu su grupu tataresu de Emergency at a presentai puru su programa asuba de is propostas po su territóriu . Po acrarai su progetu “Sa Sardigna po Bangui” chi s’est isboddiendi galu, imbecis ant essi proietaus filmaus e powerpoint. Sighi a ligi ‘Atopus: oi in Tàtari un’atóbiu cun Emergency’