> “Fai de su 7 de su mesi de totussantus unu furriadroxu”. Sinistra Critica in pratza cun sa Consulta rivolutzionària | ilMinuto

“Fai de su 7 de su mesi de totussantus unu furriadroxu”. Sinistra Critica in pratza cun sa Consulta rivolutzionària

(IlMinuto) – Casteddu, 2 de su mesi de totussantus – “Custa classi política depit lassai una borta po sèmpiri su campu e Sinistra critica sarda bolit cuncùrriri a fai de su 7 de su mesi de totussantus unu furriadroxu”. Cun custus fueddus si serrat su comunicau de imprenta chi annuntziat s’adesioni de s’organizatzioni anticapitalista e indipendentista a s’Assembrea generali de su pópulu sardu avisada de sa Consulta rivolutzionària po mérculis chi benit in Casteddu, po s’isciòpiru generali fissau de sa Confederatzioni sindacali sarda. “Eus a essi un’àtera borta a su costau de is movimentus, de is pastoris, de is traballoris, de is istudiantis de is de is precàrius in d-una diri de lota – comentat Sinistra critica sarda – avisada po fai bessiri a pillu sa ‘delegittimazione’ de sa classi política chi setzit in Consillu regionali, de sèmpiri coni e istrumentu de is políticas colonialis e ‘neoliberiste’ chi agangant a sa Sardigna, e po cumentzai a torrai a donai su fueddu e su poteri a su pópulu”.

© RIPRODUZIONE RISERVATA

0 Arrespustas a ““Fai de su 7 de su mesi de totussantus unu furriadroxu”. Sinistra Critica in pratza cun sa Consulta rivolutzionària”


Is cummentus funt serraus.