> 2012 mes’e totussantus 01 | ilMinuto

Archíviu de sa diri 1/11/2012

Nascit in Sardigna su casu brebexinu “Saludi e Bonesa: unu casu chi cumbatit a su Colesterolu

(IlMinuto) – Casteddu, 1 de su mesi de totussantus – Arribat in Sardigna su casu brebexinu chi cumbatit a su Colesterolu. Su nòmini suu est “Saludi e Bonesa”, s’at agatai in is butegas a cumentzai de su 5 de su mesi de totussantus chi benit e at a essi bendiu in su mercau ingresu puru. A ddu fai est Argiolas Casus. S’alimentu de sa saludi at a podi essi impitau in is dietas chi tenint pagu colesterolu, poita, “Saludi e Bonesa” portat Omega 3 (“acido linoleico coniugato”). “S’influéntzia recìproca intre Cla, Omega 3 e is àtzidu grassus chi s’agatant in su lati – si ligit in su giassu de Argiolas Casus – atressu de su ‘riequilibrio metabolico’ no fait aumentai a su colesterolu, antzis, ddu podit fai abasciai”. Su casu nou, no solu, est chentza de aditivus aciuntus: Omega 3 e Cla funt otentus in manera naturali de allevamentus sceberaus de brebeis nudriadas cun pasturas de calidadi e chi tenint saludi bella. Is únicus ingredientis de su Casu Brebexinu funt duncas: lati, sabi, “fermenti lattici” e callu. Unu casu, chi chi at a andai a arricai a su mercau de is produtzionis sardas, nàsciu de is diversus istúdius e circas de su Dipartimentu de Isciéntzias ”Biomediche” de s’Universidadi de Casteddu, de su Dipartimentu de Agronomia e Gestioni de s’”Agroecosistema” de s’Universidadi de Pisa, de s’Ispidali Brotzu de Casteddu e de sa Asl 8 de Castedddu. Sighi a ligi ‘Nascit in Sardigna su casu brebexinu “Saludi e Bonesa: unu casu chi cumbatit a su Colesterolu’

Prétzius in Casteddu: in su mesi de ledàminis bestiàriu prus caru (+1,4%)

(IlMinuto) – Casteddu, 1 de su mesi de totussantus – S’assortant prusatotu in is cumpartus “Bestiàriu e cosíngius” (+1,4%) e “Domu, àcua, elétricu e combustìbilis” (+0,9%) is aumentus de is prétzius in Casteddu in su mesi de ledàminis. Ddu fait sciri su comunicau fatu conosci de su Serbítziu Informatica e Istatistica de su Comunu. In totu in su mesi chi est acabau de pagu is prétzius po is consumadoris funt abarraus frimus, imbecis in su mesi de cabudanni sa carestia furiat unu pagu amenguada (-0,1%). Sighi a ligi ‘Prétzius in Casteddu: in su mesi de ledàminis bestiàriu prus caru (+1,4%)’

Torrat s’arritzonis s’istagioni de sa pisca de mari

(IlMinuto) – Casteddu, 1 de su mesi de totussantus – Torrat oi po serrai su 4 de su mesi de maju de su 2013 s’istagioni de sa pisca de s’arritzoni de mari. S’arregorta de s’arritzonis de mari est proibia si fata atressu de amànius tragaus cun barcas o a manu puru atressu de médius mecànicus – istrumentus in ferru – arrastellus puru. Sa tàllia minima de tentura est de 50 mm atzetuaus is acutzonis, is arritzonis de tàllia prus pitica depint essi torraus a ghetai a mari. Sighi a ligi ‘Torrat s’arritzonis s’istagioni de sa pisca de mari’

In Cuartu Sant’Alèni nascit su “Giassu Giòvanus”

(IlMinuto) – Casteddu, 1 de su mesi de totussantus – Nascit in Cuartu Sant’Alèni su “Giassu Giòvanus”, logu virtuali de scedas e consuléntzia asuba de is temas de s’apegu e de sa sessualidadi e de is relatzionis cun is àterus e istrumentu inovativu po cuminicai e intrai in cuntatu cun su mundu de is giòvanus. Sighi a ligi ‘In Cuartu Sant’Alèni nascit su “Giassu Giòvanus”’

Cumentzat su progetu “Giogu e música a sa biblioteca de Thiniscole”

(IlMinuto) – Casteddu, 1 de su mesi de totussantus – At a cumentzai s’8 de su mesi de totussantus chi benit a is 16.30 su progetu “Giogu e música a sa biblioteca de Thiniscole”, chi si proponit comentti unu laboratoriu isperimentali po is prus pitius cun s’iscopu de ddus sucai atressu de su giogu e de sa música. “Su progetu – si ligit in d-una nota de imprenta – tenit s’iscopu de [...] trisinai a is pipius in s’esperiéntzia musicali”. Aprontau de su Sistema bibliotecàriu urbanu de su Comunu de Thiniscole - Assessorau a sa Pública istrutzioni, cultura e ispetàculu, su laboratoriu, chi at a durai 12 oras e at essi obertu a 10 creaturas, est totu a gratis. At essi possíbili a s’iscriri fintzas a su 5 de su mesi de totussantus. Sighi a ligi ‘Cumentzat su progetu “Giogu e música a sa biblioteca de Thiniscole”’