> 2012 mes’e totussantus 02 | ilMinuto

Archíviu de sa diri 2/11/2012

Randagiu sardu e Quilo in finali a su Festival Suns

(IlMinuto) – Casteddu, 2 de su mesi de totussantus – Nascit in Udine in su 2009 e si lamat “Suns Festival de sa cantzoni in língua de minoria”. Promòvia de s’Arlef, sa manifestada musicali est una perra de su tzircúitu ingíriu de su Liet Intenational festival europeu de sa música in língua de minoria. 42 is grupus chi ant pigau parti a sa IV editzioni de su Suns e chi rapresentant a otu línguas de minoria. Intre custas: friulanu, croatu de su Burgenland, sardu, ladinu, ocitanu, retoromanzu, catalanu e francu- provenzali. Giai bintu in s’editzioni de su 2009 de su grupu sardu dottor Drer & Crc Posse,  po su 2012 su Suns castiat un’àtera borta a sa Sardigna comenti primori musicali cun su branu “S’Arrespiru” de Randagiu sardu e Quilo, chi cumpetit in sa finali chi s’at a isboddiai oi a cumentzai de is 21.30 in su Teatru ”Pala Mostre” de Udine. Sighi a ligi ‘Randagiu sardu e Quilo in finali a su Festival Suns’

Torrat s’atopu cun sa “Sagra de su tzafanau” de Turri

(IlMinuto) – Casteddu, 2 de su mesi de totussantus – S’at a isboddiai sàbudu 3 e domínigu 4 de su mesi de totussantus sa sagra de su tzafanau de Turri. Mancai s’àcua apat trigau sa froridura de s’oru arrúbiu de su Campidanu de Mesu is produsidoris narant de essi animosus in d-un’annaba bella. Sa sagra, aprontada de sa Pro Loco de sa bidda cun s’apógiu de su Comunu de Turri, de sa Provìntzia de su Campidanu de Mesu e de su Consortziu Sa Corona Arrubia, at a cumentzai sàbudu a is 16.30 cun d-una gara de coxina. Sighi a ligi ‘Torrat s’atopu cun sa “Sagra de su tzafanau” de Turri’

Educatzioni a s’Isvilupu Sustenìbili: sa cida Unesco 2012

(IlMinuto) – Casteddu, 2 de su mesi de totussantus – S’at a isboddiai de su 19 a su 25 de su mesi de totussantus sa Cida 2012 de Educatzioni a s’Isvilupu Sustenìbili. Tema de ocannu “Mamai Terra: Nodriamentu, Messarítzia e Ambienti”. Totus is entis e is organizatzionis impegnadas a fai connosci sa cultura de s’isvilupu sustenìbili - istitutzionis, entis de su territóriu, iscolas, universidadis, assótzius, fondatzionis, parcus, impresas, coperativas – podint pigai parti sighendi is línias ghias istabilias de s’Unesco e imbiendi s’ischeda de adesioni a s’indiritzu: settimana2012@gmail.com, e po conoscéntzia a: sttronci@regione.sardegna.it. Sighi a ligi ‘Educatzioni a s’Isvilupu Sustenìbili: sa cida Unesco 2012′

“Fai de su 7 de su mesi de totussantus unu furriadroxu”. Sinistra Critica in pratza cun sa Consulta rivolutzionària

(IlMinuto) – Casteddu, 2 de su mesi de totussantus – “Custa classi política depit lassai una borta po sèmpiri su campu e Sinistra critica sarda bolit cuncùrriri a fai de su 7 de su mesi de totussantus unu furriadroxu”. Cun custus fueddus si serrat su comunicau de imprenta chi annuntziat s’adesioni de s’organizatzioni anticapitalista e indipendentista a s’Assembrea generali de su pópulu sardu avisada de sa Consulta rivolutzionària po mérculis chi benit in Casteddu, po s’isciòpiru generali fissau de sa Confederatzioni sindacali sarda. Sighi a ligi ‘“Fai de su 7 de su mesi de totussantus unu furriadroxu”. Sinistra Critica in pratza cun sa Consulta rivolutzionària’