> 2012 mes’e totussantus 05 | ilMinuto

Archíviu de sa diri 5/11/2012

(Italiano) Prove tecniche di neonazionalismo italiano

Sighi a ligi ‘(Italiano) Prove tecniche di neonazionalismo italiano’

Documentu: sos istudiantes de s’Assòtziu su Majolu a sa Consulta Rivolutzionaria

Adesione de sos Istudiantes de s’Assotziu su Majolu

A sa Consulta Rivolutzionaria e a s’assemblea in Casteddu su 7 de santandria.

Su disisperu chi est bivende sa Sardigna nos est faghende bìere su fallimentu de sas polìticas econòmicas e culturales de sos ùrtimos sessanta annos: dae un’oru a s’àteru de Sardigna bidimus una terra desolada, prena de muntonargios pro su bascaràmene industriale e militare, fàbricas chi tancant, aziendas de pastores e massajos serradas, traballadores disisperados chi gherrant pro su traballu issoro.

Sas iscolas e sas universidades nostras sunt postas semper peus, ca cada guvernu italianu chi àrtziat faghet riformas chi las bisestrant, distruende·las semper de prus.

Su guvernu italianu issèberat, a piaghere suo dae una die a s’àtera, de bogare sas facultades universitàrias e de pònnere sos dipartimentos, faghet leges chi faghent tancare sos cursos de làurea e ponet critèrios chene cabu pro sa partidura de sos finantziamentos cun sas universidades italianas: totu custu chene àere peruna connoschèntzia de sa realtade sarda e frigande·si·nche de sa crèschida e de s’isvilupu de s’istrutzione, de sa cultura e de s’economia in Sardigna. Sighi a ligi ‘Documentu: sos istudiantes de s’Assòtziu su Majolu a sa Consulta Rivolutzionaria’

Sardigna, s’ísula innoia sa presonia at a diventai un’elementu caraterísticu

(IlMinuto) – Casteddu, 5 de su mesi de totussantus – “Cun s’obertura de is Istitutus Penitentziàrius nous, sa Sardigna at a biri aumentai galu de prus su númeru de is tzitadinus privaus de sa líbertadi. Ant a aumentai de seguru aici is discumbénius e is apinnicus po totus”. Est cantu afirmat Maria Grazia Caligaris, presidenti de s’assótziu Sotzialismu Diritus e Reformas, candu annotat ca “s’ísula, castigada meda po sa cunditzioni de disimpreu e discumbéniu sotziali, no minescit de patiri un’impeoramentu de su pesu de sa tzerachia penitentziària puru,po mori de s’Istadu. Una tzerachia custa chi s’aciungit a cussa militari giai meda grai”. “Is presoneris in Sardigna, – pretzisat Caligaris – in pagu prus de un’annu, ant a lompi [...] a 4mila preséntzias”. Un’afirmadura chi si podit avreguai si castiaus a sa situatzioni de is presonis sardus, aundi podeus biri ca in su presoni de Tèmpiu is 29 postus de s’istrutura funt diventaus 150. In su penitentziàriu de Uda ddoi ant essi asumancu 550 postus, sa galera de Nùgoro, cun su padiglioni nou restaurau de pagu, est passada de 252 a 349 postus, intre duus mesis imbecis, candu at essi intregau S’Istitutu de Bancali, ddoi at essi logu po àterus 430 personis. Sighi a ligi ‘Sardigna, s’ísula innoia sa presonia at a diventai un’elementu caraterísticu’

(Italiano) Documento: Custa est indipendentzia!

Sighi a ligi ‘(Italiano) Documento: Custa est indipendentzia!’

Intre pagu tempus is bandus de sceberu po is cursus regionalis Enaip

(IlMinuto) – Casteddu, 5 de su mesi de totussantus – Ant essi publicaus intre pagus tempus is bandus de sceberu po is cursus professionalis regionalis nous aprontaus de s’Enaip, Enti Natzionali Acli Istrutzioni Professionali e prevìdius in su pranu Annuali de Imparu Professionali. Diversus is caminus de amaistramentu de su 2013, intre custus: “su cursu po assetiai is pilus (1800 oras), su cursu po ténnicu de is atividadis de animatzioni sotziali e isvilupu de is facoltadis de presonis, grupus e comunidadis de su territóriu (800 oras), su cursu po ténnicu de progetatzioni e gestioni de fainas recreativas e culturalis, organizatzioni de su tempus líberu e acasàgiu clientis (800 oras)”. Sighi a ligi ‘Intre pagu tempus is bandus de sceberu po is cursus regionalis Enaip’