> 2012 mes’e totussantus 06 | ilMinuto

Archíviu de sa diri 6/11/2012

(Italiano) Documento: ProgReS “Il popolo ha fame e manca il pane”

Sighi a ligi ‘(Italiano) Documento: ProgReS “Il popolo ha fame e manca il pane”’

Su Prémiu Alziator si ndi scarescit de sa língua sarda. Su Comitadu: “‘provincialismo autocolonizzante’ casteddaiu”

(IlMinuto)- Casteddu, 6 de su mesi de totusantus – Su Prémiu Literàriu Frantziscu Alziator escludit, allacanendidda, a sa língua sarda. S’avenimentu culturali aprontau de su Comunu de Casteddu po afestai a s’intelletuali sagista e iscritori mortu in su 1977 arretirat difatis in su cadàsciu a sa língua de su pópulu Sardu. A denuntziai s’agràbiu mannu a sa cultura e a sa língua de sa Sardigna est Su Comitadu pro sa limba sarda. Una serradura acapiada – si ligit in d-una nota de imprenta – a “unu cetu intelletuali ‘italocentrico’ chi si a bias s’amostat in faori de sa cultura e língua de is sardus, in sa pràtiga oponit a una citadinàntzia sua normali e no asugetada una pràtiga de arrefudu e asoladura”. Unu fatu galu prus grai de su mamentu chi su regulamentu de su Prémiu Alziator previdit una setzioni ispeciali po òperas imprentadas in língua italiana e de autoris chi no funt italianus e chi benint de is territórius de su Mediterràneu, setzioni innoia podint pigai parti òperas iscritas in sa língua de bratzolu a patu chi siant acumpangiadas de sa furriadura in italianu. Sighi a ligi ‘Su Prémiu Alziator si ndi scarescit de sa língua sarda. Su Comitadu: “‘provincialismo autocolonizzante’ casteddaiu”’

In Porto Conte un’atopu asuba de “‘Agroalimentare’, pisca e biotecnologias”

(IlMinuto)- Casteddu, 6 de su mesi de totusantus – Ant essi presentaus martis 13 de su mesi de totusantus a cumentzai de is 9.30 in is aposentus de Porto Conte Circas, is bandus “‘Agroalimentare’, pisca e biotecnologias” de su programa ispecíficu “Coperatzioni” de su Setimu Programa Cuadru. S’atopu at a donai prus atentzioni a is argumentus finatziarius de su progetu europeu. Ant essi difatis donadas notzionis pràtigas po fai su budget de is propostas de candidatura. Po pigai parti a sa diri de scedas est netzessàriu a s’iscriri cumpilendi sa dimanda de iscritzioni. Sighi a ligi ‘In Porto Conte un’atopu asuba de “‘Agroalimentare’, pisca e biotecnologias”’

Basket A1F: sderrota in domu po su Cus Casteddu

(IlMinuto)- Casteddu, 6 de su mesi de totusantus – Pèrdiri una partida contra a unu Lavezzini Parma chi una cida fait est stétiu capassu de binci a sa Schio Basket ddoi stait. Prusaprestu, su Cus Casteddu de domínigu passau at arriscau diaderus de binci. Bincidora manna de sa gara est stétia perou s’iscuadra de foras, ma is meris de domu no tenint nudda de si certai, puru si si lamentant de is diversus sceberus de s’àrbitru lompius in su finali agiagarau de una partida tirada fintzas a is “supplementari”. Sighi a ligi ‘Basket A1F: sderrota in domu po su Cus Casteddu’

“No a su ‘termodinamico’ in Campu Giavesu”. Una petitzioni denuntziat a is arriscus de su progetu, giai 500 firmas pigadas

(IlMinuto)- Casteddu, 6 de su mesi de totusantus – Amanniat sa contrariedadi a su cumprimentu de su progetu “termodinamico” de s’Energogreen Renewables srl in sa campura de Campu Giavesu. Funt difatis giai 467 is firmas pigadas po acotzai a sa petitzioni on line contra a su progetu chi – narant is aprontadoris – “iat a podi destrossai po sèmpiri su territóriu Cossoine e Tzàve”. “Unu determinu aici importanti – si ligit in sa petitzioni – no depit interessai scéti a is pagus meris de is terrenus trisinaus”. Po is firmatàrius is biddas trisinadas iant a perdi difatis sa possibilidadi de isfrutai sa campura po iscopus agriculus e de pastoria e iat essi a arriscu s’aprovistamentu ídricu de Cossoine. Sa petitzioni denuntziat puru a is arriscus acapiaus a su fàbricu de sa tzentrali a “biomasse” chi iat a depi afiancai a s’impiantu “termodinamico”. Sighi a ligi ‘“No a su ‘termodinamico’ in Campu Giavesu”. Una petitzioni denuntziat a is arriscus de su progetu, giai 500 firmas pigadas’