> 2012 mes’e totussantus 14 | ilMinuto

Archíviu de sa diri 14/11/2012

Is profesoris narant ca nou a s’”adestramentu” asuba de s’innu de Mameli

(IlMinuto) – Casteddu, 14 de su mesi de totusantus – In is úrtimas diris unu nono frimu fait su giru de su web. Est su nono de is profesoris a s’”adestramentu” asuba de s’innu de Mameli, a arramaciai ca s’iscola no tenit abisóngiu de s’innu e no tenit abisóngiu de retórica totalitaria. S’iscola abisongiat imbecis de istruturas, de istrumentus e de profesoris. Is chi de annus meda ocupant is primus pàginis de is giornalis pretendendi traballu e cultura. Aici sa boxi de sa protesta narat cun firmesa: “Nos profesoris sardus dógnia 17 de su mesi de martzu eus a fai disubidiéntzia tzivili i eus a donai ingàrrigu a chini ndi tenit is cumpeténtzias, de avisai un’iscòpiru generali de s’iscola. In su trastempus pedeus a is autoridadis regionalis puru de iscuntroriai a custa lei in totus is domus istitutzionalis, própriu comenti at fatu S’Alto Adige. Sighi a ligi ‘Is profesoris narant ca nou a s’”adestramentu” asuba de s’innu de Mameli’

In Nùgoro si chistionat de militarizatzioni, cuntrollu sotziali e iscontróriu

(IlMinuto) – Casteddu, 14 de su mesi de totusantus – S’at a isbodiai in Nùgoro su 17 de su mesi de totusantus a cumentzai de is 18.00 in su Círculu Su Ritrovu, s’atóbiu “Sardigna 2020. Unu tempus benidori de militarizatzioni, cuntrollu e iscontróriu”. A faci de un’ísula chi torrat a tenni una parti de import mannu in is progetus de sa Nato e de s’Istadu: presonis, radar, casermas e càstiu urbanu. A pabas de custa aprontadura de cuntrollu sotziali, is pregonis de su documentu “Nato 2020 Urban Operation” chi disignant is pranus nous de trebea e iscontróriu de is rebellias de su tempus benidori innoia su campu de gherra ant essi is tzitadis de su mundu otzidentali e s’anemigu nou at essi totu aintru de is lacanas istatalis, trubas “informalis”, unias de su disisperu e de sa precariedadi. Sighi a ligi ‘In Nùgoro si chistionat de militarizatzioni, cuntrollu sotziali e iscontróriu’

Una batalla de Tzivilidadi. Su gestu estremu de su Comitau 16 totusantus

(IlMinuto) – Casteddu, 14 de su mesi de totusantus – “Su Guvernu at cuncodrau cun is reladoris in Comissioni Bilantzu una mudífica po sa “non autosufficienza” de 200 milionis no indiriztzaus, genéricus. Una limúsina, un’agràbiu, una bregúngia”. Est cantu afirmat Salvatore Usala, boxi de su Comitau 16 totusantus. Desintotu abandonaus, is malàdius grais medas annuntziant unu gestu estremu. Est difatis normali ca s’abandonu de sa política sotziali dongat custus efetus scuncertantis e portit a is tzitadinus sanus e malàdius a s’apurimentu, fintzas a ddis fai fai caminus chentza de furriada, comenti su chi bolint fai is malàdius cun “tracheostomia”, chi narant de essi prontus a morri in “diretta tv”, candu su 21 de su mesi de totusantus chi benit s’ant a presentai in Roma a petus de su Ministeru de s’Ecunumia chentza de afantaladori de scorta po is prumonis. Sighi a ligi ‘Una batalla de Tzivilidadi. Su gestu estremu de su Comitau 16 totusantus’

In Casteddu sa presentada de “Sa Massaria. Messarítzia traditzionali in Guasìlle e in Sardigna”

(IlMinuto) – Casteddu, 14 de su mesi de totusantus – S’at a isbodiai su 22 de su mesi de totusantus chi benit a is 17.30 in sa Saba “polifunzionale” de su Parcu de Monti Claro in arruga Cadello in Casteddu sa presentada de su líburu de Salvatore Atzori “Sa Massaria. Messarítzia traditzionali in Guasìlle e in Sardigna” bessiu po Cuec. S’avenimentu, aprontau de sa Provìntzia de Casteddu cun s’agiudu de s’editori, at essi ghiau de su giornalista Andrea Frailis, òspitis de satopu: s’antropologu Giulio Angioni e su profesori e sagista Francesco Casula. Sighi a ligi ‘In Casteddu sa presentada de “Sa Massaria. Messarítzia traditzionali in Guasìlle e in Sardigna”’

Isciòpiru europeu, s’adesioni de sa Cgil

(IlMinuto) – Casteddu, 14 de su mesi de totusantus – Mudai sa lei de stabilidadi de su Guvernu Monti e acotzai a su programa de sa Confederatzioni europea de is sindacaus. Cun custus obietivus sa Cgil pigat parti a s’isciòpiru europeu avisau de sa Ces po oi. In Sardigna sa manifestada s’at a isbodiai in Casteddu, aprontada de sa Càmara de su Traballu, cun d-unu presidiu de is 9.30 a is 14.00 a faci de sa domu de sa rapresentàntzia de su Guvernu in pratza de su Cramu. Sighi a ligi ‘Isciòpiru europeu, s’adesioni de sa Cgil’