> In Abas “Geppe e is àterus – Istória de vida de unu cumandanti partesanu sardu” | ilMinuto

In Abas “Geppe e is àterus – Istória de vida de unu cumandanti partesanu sardu”

(IlMinuto) – Casteddu, 15 de su mesi de totusantus – Sàbudu 17 de su mesi de totusantus, in is aposentus de s’ex cineteatru parrochiali de Abas, a is 17.00 su proietori at a amostai in s’ischermu is màginis de su film “Geppe e is àterus – Istória de vida de unu cumandanti partesanu sardu”, de Francesco Bachis, Giuseppe Caboni, Francesco Capuzzi, Walter Falgio e Laura Stochino. Unu film fatu in su 2012 de s’Issra e de su Lev (Laboratoriu de etnogràfia visiva de s’Universidadi de Casteddu), totu chentza de dinai públicu. A presentai sa proietzioni ant essi Walter Falgio e Francesco Bachis. S’avenimentu, aprontau de sa Biblioteca Gramsciana Onlus e de su Círculu Cultura Cinematogràfica Fitzcarraldo Abas cun s’agiudu de su Comunu de Abas, de s’Issra e de su Lev at a biri sa preséntzia de su protagonista puru de sa pellícula, su partesanu Nino Garau. Ma ita contat “Geppe e is àterus – Istória de vida de unu cumandanti partesanu sardu”? Su videu contat po sa primu borta s’istória de Nino Garau, cumandanti de sa Brigata partesana “Aldo Casalgrandi” ativa a s’epoca de sa Rebellia in su Modenese e torrat a disegnai “s’esperiéntzia de lota fata de s’8 de su mesi de cabudanni de su 1943 a su Liberamentu atressu de su médiu cinematogràficu”. Unu traballu de un’annu su de “Geppe e is àterus” chi torrat a amentai is mesis de s’armistítziu de Cassibile fintzas a su 1945 torrendiddus a disignai atressu de sa testimónia de unu protagonista.

© RIPRODUZIONE RISERVATA

0 Arrespustas a “In Abas “Geppe e is àterus – Istória de vida de unu cumandanti partesanu sardu””


Is cummentus funt serraus.