> Cumentzat su progetu “Giogu e música a sa biblioteca de Thiniscole” | ilMinuto

Cumentzat su progetu “Giogu e música a sa biblioteca de Thiniscole”

(IlMinuto) – Casteddu, 1 de su mesi de totussantus – At a cumentzai s’8 de su mesi de totussantus chi benit a is 16.30 su progetu “Giogu e música a sa biblioteca de Thiniscole”, chi si proponit comentti unu laboratoriu isperimentali po is prus pitius cun s’iscopu de ddus sucai atressu de su giogu e de sa música. “Su progetu – si ligit in d-una nota de imprenta – tenit s’iscopu de [...] trisinai a is pipius in s’esperiéntzia musicali”. Aprontau de su Sistema bibliotecàriu urbanu de su Comunu de Thiniscole - Assessorau a sa Pública istrutzioni, cultura e ispetàculu, su laboratoriu, chi at a durai 12 oras e at essi obertu a 10 creaturas, est totu a gratis. At essi possíbili a s’iscriri fintzas a su 5 de su mesi de totussantus. Po ndi sciri de prus telefonai a su: 0784 878654.

Fotografia de carloalberto. Pigada de Flickr

© RIPRODUZIONE RISERVATA

0 Arrespustas a “Cumentzat su progetu “Giogu e música a sa biblioteca de Thiniscole””


Is cummentus funt serraus.