> Atopus: in Tàtari e Casteddu is duas frimadas de “The Secret Life of Parks” | ilMinuto

Atopus: in Tàtari e Casteddu is duas frimadas de “The Secret Life of Parks”

(IlMinuto) – Casteddu, 28 de su mesi totussantus – Tenit po títulu “The Secret Life of Parks – s’ispetàculu de sa vida in is parcus de sa Sardigna e de sa Córsica” e s’at a isboddiai in “prima assoluta” in is aposentus de su Teatru Verdi de Tàtari. S’avenimentu, fabricau cun música e màginis asuba de una bidea de Vittorio Gazale diretori de su Parcu Regionali de Portu Conti e de su Parcu Natzionali de Madalena, est stétiu prodúsiu de “Ísula de is Sonus” cun sa diretzioni artística de Enzo Favata, chi, impari a Marcello Peghin, Danilo Gallo e U.T. Gandhi at a sonai in su palcu. “The Secret Life of Parks” est unu viàgiu aintru de su mundu de sa natura in is parcus sardus e corsus. A pustis de s’avenimentu, cun s’apógiu de is Comunus de Tàtari e de Casteddu, su 16 de su mesi de paschixèdda su progetu at essi presentau in Casteddu puru, in is aposentus de su Teatru Màssimu. Is duus ispetàculus funt ordingiaus de s’Assótziu Jana Project aintru de is propostas ierrilis de su Festival Música in is Bucas.

© RIPRODUZIONE RISERVATA

0 Arrespustas a “Atopus: in Tàtari e Casteddu is duas frimadas de “The Secret Life of Parks””


Is cummentus funt serraus.