> Educatzioni a s’Isvilupu Sustenìbili: sa cida Unesco 2012 | ilMinuto

Educatzioni a s’Isvilupu Sustenìbili: sa cida Unesco 2012

(IlMinuto) – Casteddu, 2 de su mesi de totussantus – S’at a isboddiai de su 19 a su 25 de su mesi de totussantus sa Cida 2012 de Educatzioni a s’Isvilupu Sustenìbili. Tema de ocannu “Mamai Terra: Nodriamentu, Messarítzia e Ambienti”. Totus is entis e is organizatzionis impegnadas a fai connosci sa cultura de s’isvilupu sustenìbili - istitutzionis, entis de su territóriu, iscolas, universidadis, assótzius, fondatzionis, parcus, impresas, coperativas – podint pigai parti sighendi is línias ghias istabilias de s’Unesco e imbiendi s’ischeda de adesioni a s’indiritzu: settimana2012@gmail.com, e po conoscéntzia a: sttronci@regione.sardegna.it. Sa procedura est útili po sa publicatzioni de su calendàriu de is propostas prevìdias in Sardigna in su giassu internet de sa Ras. Intre is chi ant a pigai parti a sa manifestada promòvia de s’Unesco, s’Assessorau regionali de sa Difesa de s’Ambienti puru, su 22 de su mesi de totussantus difatis, ddoi at essi unu seminàriu chi tenit po títulu “Nodriamentu e Sustenibilidadi Ambientali”. Po pigai parti a sa cida Unesco 2012 est netzessàriu cumpilai s’ischeda de adesioni e dda mandai, intru e no prus a tradu de lúnis 5 de su mesi de totussantus de su 2012

© RIPRODUZIONE RISERVATA

0 Arrespustas a “Educatzioni a s’Isvilupu Sustenìbili: sa cida Unesco 2012”


Is cummentus funt serraus.