> Unu cuncursu de su Tapetu po artesanas sardas e tunisinas | ilMinuto

Unu cuncursu de su Tapetu po artesanas sardas e tunisinas

(IlMinuto) – Casteddu, 26 de su mesi de totussantus – Unu cuncursu po artesanas sardas e tunisinas. Est sa proposta de su progetu Diart ”Le Dialogue Interculturel à travers l’Art du Tapis” finatziau de sa Comissioni Europea, Delegatzioni Ue in Tunisia, asuba de su Programa EuropeAid Fainas Culturalis 2012 - Tunisia. “Is tapetus prus bellus – si ligit in d-una nota de imprenta – ant essi aparaus in su Festival de su Tessimentu sardu-tunisinu chi s’at a isboddiai in su mesi de martzu chi benit in Tunisia in s’Acropolium de Cartagine”. S’iscadéntzia po sa presentada de is traballus est prevìdia po su 10 de su mesi de paschixèdda de su 2012. Po pigai prus iscedas si castit in su giassu Assadakah Sardegna

Fotografia de cristianocani. Pigada de Flickr

© RIPRODUZIONE RISERVATA

0 Arrespustas a “Unu cuncursu de su Tapetu po artesanas sardas e tunisinas”


Is cummentus funt serraus.